Lutotelo lwa Davida.
א [Aleph]
145 Nkemutumbijika anweba Lesa wami Mfumu,+
Nkatotanga jizhina jenu myaka ne myaka.+
ב [Beth]
2 Nkemutotanga kimye kyonse;+
Nkatotanga jizhina jenu myaka ne myaka.+
ג [Gimel]
3 Yehoba ye mukatampe kabiji ye wafwainwa kutotwa;+
Bukata bwanji kechi twakonsha kwibuyuka ne.+
ד [Daleth]
4 Bisemi byonse bikatotanga mingilo yenu;
Bikambanga pa mingilo yenu ikatampe.+
ה [He]
5 Bakambanga pa buneme bwa lukumo lwenu+
Kabiji nkalanguluka langulukanga pa mingilo yenu ya kukumya.
ו [Waw]
6 Bakambanga pa mingilo yenu ilengesha moyo,
Kabiji nkambanga pa bukata bwenu.
ז [Zayin]
7 Bakambanga byo bakavulukanga buwame bwenu bwavula,+
Kabiji bakembanga na lusekelo na mambo a bololoke bwenu.+
ח [Heth]
8 Yehoba ye wa kifyele ne lusa,+
Ubanda kuzhingila kabiji wavula butemwe bubula kwaluka.+
ט [Teth]
9 Yehoba ye wawama ku bonse,+
Ne lusa lwanji lwamwekela mu mingilo yanji yonse.
י [Yod]
10 Mingilo yenu yonse ikemutumbijika anweba Yehoba,+
Kabiji bantu benu ba kishinka bakemutotanga.+
כ [Kaph]
11 Bakasapwilanga pa lukumo lwa bufumu bwenu+
Ne kwamba pa bulume bwenu,+
ל [Lamed]
12 Kuba’mba babulañane mingilo yenu ikatampe+ ku bantu
Ne lukumo lwa bufumu bwenu.+
מ [Mem]
13 Bufumu bwenu bo bufumu bwa myaka ne myaka,
Kabiji bukalama bwenu bukafika ne ku bisemi byonse.+
ס [Samekh]
14 Yehoba ukwasha bonse baji pepi kupona+
Kabiji winuna bonse banyeñamina panshi.+
ע [Ayin]
15 Meso onse atala kwi anweba na luketekelo;
Kabiji mwibapa kajo pa kimye kyafwainwa.+
פ [Pe]
16 Muvungulula kuboko kwenu
Ne kupa bilengwa byumi bintu byonse byo bikeba.+
צ [Tsade]
17 Yehoba waoloka mu mashinda anji onse+
Kabiji wa kishinka mu byonse byo oba.+
ק [Qoph]
18 Yehoba uji kwipi na bonse bamwita,+
Ku bonse bamwita mu bukine.+
ר [Resh]
19 Upa bamwakamwa bintu byo bakeba;+
Aye umvwa kujila kwabo kwa kukeba bukwasho, kabiji wibapokolola.+
ש [Shin]
20 Yehoba uzhikijila bonse bamutemwa,+
Bino babi bonse ukebepaya.+
ת [Taw]
21 Kanwa kami kakamutotanga Yehoba;+
Bintu byonse byumi bitotenga jizhina janji jazhila myaka ne myaka.+