Musapwishi
12 Saka uvuluka Mulenga wobe mu moba a bwanyike bobe,+ moba akatazha* saka akyangye kufika,+ ne myaka saka ikyangye kufika po ukamba’mba: “Kechi namwenamo lusekelo mu bwikalo bwami ne.” 2 Kabiji kyeya kya juba, ñondo ne tubangabanga saka kikyangye kuzhimañana,+ ne makumbi a mvula saka akyangye kufinda jikwabo; 3 kimye bakasopa* ba nzubo kyo bakazakamanga, banabalume bilobo kyo bakakooka, kimye banabakazhi kyo bakaleka kupela kajo na mambo a kukepa, ne kimye kyo bakasumbilanga pa bipenze ne kukankalwa kumona na mambo a mfishi.+ 4 Kabiji kimye bibelo byatala ku mukwakwa kyo bakebishinka, ne kimye kuvuma kwa jibwe jo bapelelapo kajo kyo kukaleka kumvwanyika, kimye muntu kyo akabuuka na mambo a kwimba kwa kañonyi ne kimye nyimbo ya banabakazhi bonse kyo ikomvwanyikilanga munshi.+ 5 Kabiji muntu uchina pantu pazandama ne kwakamwa bya malwa mu jishinda. Kichi kya amonde kyasapuka+ ne teete ubena kwikulululatu panshi, ne kipangwa kipana kijiika kyapwa bulume, mambo muntu ubena kuya ku mpunzha ko ekala moba onse+ ne bajila babena kupitañana mu mukwakwa;+ 6 ne lutambo wa siliva saka akyangye kuchibika ne muchiba wa ngolode wafukumana saka akyangye kulajika, mulondo uji ku nsulo ya mema saka akyangye kulajika ne lutambo ye bakashila ku kintu kyo batapwilako mema mu mushima* saka akyangye kuchibika. 7 Onkao mambo, lukungu lubwela ku mushiji+ ko lwafumine ne mupashi* ubwela kwi Lesa wa kine yenka wamupaine.+
8 Musapwishi waamba’mba,+ “Byo byatu!* Bintu byonse byo byatu.”+
9 Musapwishi kechi wajingatu na maana onka ne, bino wafunjishanga ne bantu bintu byo ayukile,+ kabiji walangulukilepo bingi ne kukebakeba bulongo pa kuba’mba atanchike bulongo bishimpi byavula.+ 10 Musapwishi wibikileko bingi kukeba byambo byafwainwa+ kabiji wanembele bulongo byambo bya bukine.
11 Byambo byamba ba maana biji nobe mingele,+ ne byambo byawama biji nobe misomali yo bapopa pa jipulanga; ibapa kafunga umo. 12 Mwanami, ujimuke ne na kino kintu: Bantu kechi bakaleka kunemba mabuku avula ne, kabiji kwiatangila mukoyo kukookeshatu mubiji.+
13 Bintu byonse byaumvwanyika, byambo bya kupezhako ke bya kuba’mba: Akamwainga Lesa wa kine+ ne kulama mikambizho yanji,+ mambo kino kyo kyafwainwa kuba bantu bonse.+ 14 Mambo Lesa wa kine ukachibila bantu mambo pa bintu byonse byo boba ne pa bintu byonse byafyamika, ne kumona inge byawama nangwa byatama.+