Masalamo
Kwi ntangi; wimba pa “Maluba.” Salamo wa Davida.
69 Anweba Lesa, mpulushai, mambo mema abena kukeba konauna bumi* bwami.+
2 Natwela mu buchichi mwabula pa kunyanta pakosa.+
Naibila mu mema avula,
Ne mukuku wa mema wankumpula.+
3 Nakooka na kwita;+
Ne pa mujibu pauma.
Meso ami akooka na kupembelela Lesa wami.+
Aba bakeba kungipaya,
Balwanyi* bami ba bujimbijimbi bavula.
Bankanjikizhe kubwezha bintu byo nabujile kwiba.
5 Anweba Lesa, mwayuka kukosama kwami,
Ne mambo ami kechi afyama kwi anweba ne.
6 Aba baketekela mwi anweba kechi kibalenge bumvu na mambo a amiwa ne,
Anweba Nkambo Mfumu, Yehoba wa mabumba.
Aba bemukeba kechi balengululwe na mambo a amiwa ne,
Anweba Lesa wa Isalela.
8 Naaluka ke mwenyi ku balongo bami,
Kabiji naaluka ke muntu wafuma ku kyalo kingi ku baana ba bamama.+
11 Byo nenyingile kisapi kya majila,
Abo bansekelenga.
12 Aba bekala ku kibelo kya muzhi bamba pe amiwa,
Kabiji babitomi bañimba mu nyimbo yabo.
13 Lulombelo lwami lufike kwi anweba,
Anweba Yehoba, pa kimye kyafwainwa.+
Anweba Lesa, monka mwayila kuvula kwa butemwe bwenu bubula kwaluka,
Nkumbulai, na mingilo yenu ya kine ya lupulukilo.+
14 Mfumyaimo mu buchichi;
Kange mundeke ngibile ne.
Mpokololai ku boba banshikwa
Ne ku mema avula.+
15 Kechi muleke muyulo wa mema ankumpule,+
Nangwa kuleka mema avula ammine,
16 Nkumbulai anweba Yehoba, mambo butemwe bwenu bubula kwaluka bwawama.+
Ntai muchima monka mwayila kuvula kwa lusa lwenu,+
17 Kabiji kange mumufye kilungi kyenu kalume wenu ne.+
Nkumbulai bukiji, mambo namanama.+
18 Fwenyai kwipi ne amiwa ne kumpokolola;*
Nkuulai ku balwanyi bami.
19 Anweba mwayuka byo babena kuntuka ne byo bandengesha bumvu ne kundengulula.+
Mumona balwanyi bami bonse.
20 Mwenga wankozha ku muchima, ne kilonda kechi kipwa ne.*
Nakebelenga namba bangubile lusa, bino kafwako wangubijilelo ne,+
Nakebelenga ba kuntekenesha, bino kafwako nangwa umo ye nataaine ne.+
22 Tebulu wabo ekale kakose kabo,
Ne bunonshi bwabo, bwikale kitewa.+
23 Lengelai meso abo kufiita kuba’mba babule kumona,
Ne kulengela tupole twabo kuzakama kimye kyonse.
26 Mambo balondalonda yewa ye mwapuma,
Kabiji batwajijila kwamba pa misongo ya boba bo mwakozha.
27 Banungilaipo mambo akwabo pa mambo abo,
Kange mwibatele’mba baoloka ne.
29 Bino namanama kabiji nji mu misongo.+
Anweba Lesa, bulume bwenu bupulusha bunzhikijile.
30 Nkembanga nyimbo ya kutota jizhina ja Lesa,
Kabiji nkamutumbijika na kusanta.
31 Kino kikatokesha Yehoba ku muchima kukila kitapisho kya ñombe,
Ne kukila mwana ñombe uji na nsengo ne mikono.+
32 Bakimote bakamona buwame bwa Lesa kabiji bakasekela.
Michima yenu ikose, anweba mubena kukeba Lesa.
34 Jiulu ne ntanda bimutote,+
Ne tulunga twa mema ne byonse byendamo.