Masalamo
Mikitama* wa Davida.
16 Anweba Lesa, nzhikijilai, mambo nafyama mwi anweba.+
2 Namwambila Yehoba namba: “Anweba mwi Yehoba, Nsulo yami ya buwame.
3 Ne ya bazhila ba pano pa ntanda,
Ba buneme, bandengela kusangalala bingi.”+
4 Aba bonse bakeba kwingijila balesa bangi, bakeletela bya malwa abo bene.+
Kechi nkalambula milambo yabo ya binyu yavwangakana na mashi ne,
Kabiji byatunwa byami kechi bikatelanga mazhina abo ne.+
5 Kwingijila Yehoba kyo kyami kyo bangabilapo, bo buswanyi bwami+ ne katomeno kami.+
Mulama kya buswanyi kyami.
6 Amiwa bampimina mapunzha awama.
Kine, nasekela na buswanyi bwami.+
7 Nkamutotanga Yehoba, yenka wambuula bya kuba.+
Nangwatu mu kimye kya bufuku, milanguluko* yami ya mukachi mwine, imfunjisha.+
8 Kimye kyonse ndanguluka pe Yehoba.+
Na mambo a kuba uji ku kuboko kwami kwa kilujo, kechi nkatenkena* ne.+
9 Onkao mambo, muchima wami wasangalala, mubiji* wami yense wasekela.
Kabiji naikala* ku matwi nzoo.
10 Mambo anweba kechi mukandekela mu* Kilende* ne.+
Kechi mukaswisha kalume wenu wa kishinka kumona kimbo* ne.+
11 Mundengela kuyuka mashinda a ku bumi.+