Kubala
24 Balamu byo amwene’mba kyamutokela ku muchima* Yehoba kupesha bena Isalela, kechi wayile jibiji na kukeba bya kuponga bileta bya malwa ne,+ bino waalulukile ne kutala ku kiselebwa. 2 Balamu byo ainukile, wamwene bena Isalela monka mwayila mikoka yabo,+ kabiji mupashi wa Lesa waishile pe aye.+ 3 Kabiji waambile bino byambo amba:+
“Bino byo byambo bya kwa Balamu mwana wa kwa Beola,
Ne byambo bya muntu ye balabisha meso,
4 Byambo bya muntu umvwa byambo bya Lesa,
Muntu wamwene kimwesho kyafumine ku wa Bulume Bonse,
Wakunyika mutwe saka alaba:+
5 Obewa Yakoba matente obe byo awamapo,
Obewa Isalela mo wikala byo mwawamapo!+
6 Afika kwalepa nobe bimpachiko,*+
Nobe mashamba aji ku mukola.
Nobe bichi bya maalo byo ajimba Yehoba,
Nobe bichi bya sida biji ku mema.
8 Lesa wamufumya mu Ijipita;
Kwi abo uji nobe nsengo ya mboo.
Ukavizha bisaka bya bantu, bonka balwanyi banji,+
Kabiji bikupa byabo ukebimokaula ne kwibasansakanya na miketo yanji.
9 Wabasama kabiji walaala panshi nobe bokwe,
Byonka biji bokwe, ñanyi wakonsha kumubuusha?
Aba bakupesha nabo bakebapesha,
Kabiji aba bakufinga nabo bakebafinga.”+
10 Kepo Belaka amuzhingijile Balamu. Kabiji Belaka wapopwejile na mukeyu ne kwambila Balamu amba: “Nakwichile namba ufinge balwanyi bami,+ pakuba obewa wibapesha jisatu. 11 Pano bwela kwenu lonka luno. Naji kukebesha bingi kukunemeka.+ Pano akitala, Yehoba wa kulengela kubula kunemekwa.”
12 Balamu wakumbwile Belaka amba: “Nanchi baluwe benu bo mwatumine kechi nebabuujile namba, 13 ‘Nangwa kya kuba Belaka akampe nzubo yanji yayula siliva ne ngolode, kechi nkoba kintu kyaswa muchima wami* nangwa kyatama kyakila pa byankambizha Yehoba nenyi? Kabiji kechi nebabuujile namba kyonka kikambuula Yehoba kyo kyo nkamba’ nenyi?+ 14 Pano kambwele ku balongo bami. Iyai nemubuuleko bano bantu byo bakooba ku bantu benu kulutwe.”* 15 Kepo aambile bino byambo amba:+
“Abino byo byambo bya kwa Balamu mwana Beola,
Byo byambo bya muntu ye balabisha meso,+
16 Byambo bya muntu umvwa byambo bya Lesa,
Bya muntu uji na maana a Mwine Wakila,
Muntu wamwene kimwesho kyafumine ku wa Bulume Bonse
Wakunyika mutwe saka alaba:
17 Amiwa nkamumona, bino kechi pa kino kimye ne;
Nkamumona, bino kechi katataka ne.
19 Mwi Yakoba mo mukafuma muntu ukashinda,+
Kabiji ukepaya muntu yense ukashala mu muzhi.”
20 Byo amwene Amaleki, watwajijile kwamba byambo byanji amba:
21 Kabiji byo amwene bena Keni,+ watwajijile kwamba byambo byanji amba:
“Po mwikala pazhikijilwa, mwikala mu jibwe jikatampe.
22 Bino kukeya muntu ukasoka Keni.
Nanchi ñanyi kimye Asilya kyo akemutwala mu buzha?”
23 Kabiji watwajijile kwamba byambo byanji amba:
“Mama! Ñanyi ukapuluka kimye Lesa kyo akoba kino?
Bino naye ukafwa.”
25 Kepo Balamu+ abwelele kwanji. Ne Belaka naye wabwelele kwanji.