Masalamo
Kwi ntangi; kwimba pa bijimba bya mizhinge. Masikila.* Salamo wa Davida.
55 Anweba Lesa, telekai ku lulombelo lwami,+
Kabiji kange muvulañanyeko ku lulombelo lwami lwa kukeba kungubila lusa ne.*+
2 Ntai muchima ne kunkumbula.+
Bijikila byami bindengela kususuta,+
Kabiji nakakilwa bingi
3 Na mambo a bintu bibena kwamba mulwanyi
Ne na mambo a kunkatazha ku muntu mubi.
Mambo batwajijila na kundetela makatazho,
Kabiji mu bukaji bwabo banshikwa.+
5 Moyo ne kuzakama byamfikila,
Ne kuzakama kwankwata.
6 Ñamba namba: “Nanchi inge najinga na byapi nobe nkunda!
Inge natumbuka ne kuya na kwikala ku mpunzha kwabula makatazho.
7 Nakonsha kuya kwalepa.+
Nakonsha kuya na kwikala mungye.+ (Selah)
8 Nakonsha kuya bukiji mwa kufyama
Kunyema kinkunkwila kikatampe.”
9 Anweba Yehoba, bavulañanyai ne kulubankanya byo bakeba kuba,*+
Mambo namona bukapondo ne malwañano mu muzhi.
10 Mute ne bufuku bapitañana peulu ya masakwa anji;
Mwi aye muji byubilo byatama ne makatazho.+
11 Mukachi ka muzhi muji bono;
Lukabisho ne bujimbijimbi kechi bifumamo mu lubanza wanji ne.+
12 Mambo inge mulwanyi wami ye uñendeleka;+
Inge kechi natako muchima ne.
Mulwanyi kechi ye ubena kunkatazha ne;
Inge kyajinga bino, inge nafyama.
14 Twajinga balunda bingi;
Twayilanga pamo ku nzubo ya Lesa na jibumba.
15 Lonaiko lwibafikile!+
Baye mu Kilende* saka baji bomi;
Mambo bubi bwaikala mwi abo monka mukachi kabo.
16 Pakuba amiwa, nkeeta Yehoba Lesa,
Ne aye ukampulusha.+
17 Mabanga ne lukelo ne pa kushinkamana juba, ngikala na makatazho kabiji mbinza,*+
Ne aye umvwa jiwi jami.+
Bakakana kupimpula byubilo byabo,
Aba babula kwakamwa Lesa.+
21 Byambo byanji byatezhima kukila bbata,+
Bino mu muchima wanji muji malwañano.
Byambo byanji byanekena kukila manyi,
Bino biji nobe mapoko o basomona+ mu kikwa.
Kabiji kechi ukaleka muntu waoloka amba apone* ne.+
23 Pakuba anweba Lesa, mukatwala babi mu kalengwa kazhika.+
Aba baji na mambo a mashi ne bantu ba bujimbijimbi kechi bakafikizha kichika kya moba abo ne.+
Bino amiwa, nkemuketekela.