Yelemiya
12 Anweba Yehoba mwaoloka.+ Inge nejizhanya kwi anweba,
Nangwa inge naamba pa bunchibamambo bwenu, anweba muba byaoloka.
Pano mambo ka bantu babi o bekela bulongo,+
Kabiji mambo ka bantu ba bujimbijimbi o babujila kwikala na makatazho?
2 Anweba mwibajimbile, ne abo batwezha mizhazhi panshi.
Bakoma ne kupanga bipangwa.
Bamba byawama pe anweba, bino milanguluko* yabo ya mukachi mwine iji bingi kwalepa ne anweba.+
3 Pano bino, anweba Yehoba mwangyuka bulongo+ kabiji mummona;
Mwatalatala muchima wami kabiji mwataana’mba wawama bingi.+
Bafumyaipo nobe mikooko yo babena kutwala na kwipaya,
Ne kwibapaatula kupembelela juba ja kwibepaya.
4 Nga kyalo kikaleela kufika ñanyi kimye?
Kabiji nsono yonse ya mungye nayo ikooma kufika ñanyi kimye?+
Na mambo a bubi bwa boba bekalamo,
Banyama ne bañonyi bebepaya.
Mambo baamba’mba: “Aye kechi umona bintu biketumwekela kulutwe ne.”
5 Umvwe wakooka kunyema na bantu benda panshi,
Wakonsha kunyema byepi na bambili?+
Nangwa kya kuba umona’mba wazhikijilwa mu kyalo muji mutende,
Ukoba byepi mu mavunda aji kwapela mukola wa Yodano?
6 Mambo nangwatu balongo bobe, bo wasemwa nabo shenu umo,
Bakubapo kala bintu bya bujimbijimbi.+
Bakikunenapo kala.
Kange wibaketekele,
Nangwa bakwambila bintu byawama ne.
7 “Nasankilapo nzubo yami;+ nasha kya buswanyi kyami.+
Mutemwe* wami namupana mu maboko a balwanyi banji.+
8 Kwi amiwa, kya buswanyi kyami kyaikala nobe bokwe uji mu jisaka.
Aye wambulumina.
Onkao mambo, namushikwa.
9 Kwi amiwa, kya buswanyi kyami kiji nobe ñonyi mukaji wa misombelo yavula;*
Bañonyi bakwabo bakaji bamuzhokoloka ne kumulukuka.+
Anweba banyama bonse ba mungye, konkanai pamo,
Iyai muje.+
Baalula kyalo kyami kyawama ke kiselebwa kyabulamo bintu.
11 Kyashalatu masala.
Kyaleela;*
Kyaonaika.
12 Mu mashinda onse mubula kupita bantu apita mu kiselebwa, mo mwaishila bantu bepayañana,
Mambo mpoko ya Yehoba ibena kwipaya bantu konse konse kukafikatu ne kwapela ntanda.+
Kafwako muntu nangwa umo waikala mutende ne.
13 Abo babyala wichi, bino banowa miba.+
Bekookesha bene na kwingila, pano bino, kafwako nangwa kimo kyo bamwenamo ne.
Bintu byo bakanowa bikebaletelatu bumvu
Na mambo a bukaji bwa Yehoba buteema nobe mujilo.”
14 Yehoba waambila bantu batama bo ngikala nabo kipikipi, baangata kya buswanyi kyo napele balongo bami bena Isalela kuba’mba kikale ke kyabo, amba:+ “Mbena kwibatupula mu kyalo kyabo+ kabiji nkatupula ba mu kisaka kya Yuda bo baji nabo. 15 Bino byo nkapwisha kwibatupulamo, amiwa nkebomvwina lusa jibiji ne kwibabwezha bonse pa muntu pa muntu ku kya buswanyi kyanji ne ku kyalo kyanji.”
16 “Kabiji inge bafunda bulongo mashinda a balongo bami ne kuchipa mu jizhina jami amba, ‘Kine, byonkatu Yehoba byo aji na bumi!’ byonkatu byo bafunjishe bantu bami kuchipa kwi Baela, abo bakebapa mpunzha mukachi ka balongo bami. 17 Pano bino, inge bakakane kukookela, ne amiwa nkatupula kyokya kisaka ne kwikyonauna,’”+ byo byaamba Yehoba.