Masalamo
Kwi ntangi; salamo wa Yedutuna.* Lwimbo wa kwa Davida.
62 Kine, mpembelela* Lesa saka natekanya.
Lupulukilo lwami lufuma kwi aye.+
2 Kine, aye jo jibwe jami ne lupulukilo lwami, kyo kya kufyamamo* kyami kyakosa;+
Kechi nkakizhamo kutenkena ne.+
3 Bimye binga byo mukakozha muntu kuba’mba mumwipaye?+
Anweba bonse mwatamatu nobe lubumbulu wa mabwe wasendama, ujitu pepi kupona.*
4 Mambo bamuvwañena amba bamufumyepo pa kifulo* kyanji kya peulu;
Basekela bingi mu kwamba bubela.
Na tunwa twabo bapesha, bino saka bafingañana mu michima yabo.+ (Selah)
6 Kine, aye jo jibwe jami ne lupulukilo lwami, kyo kya kufyamamo kyami kyakosa;
Kechi nkatenkena ne.+
7 Lupulukilo ne lukumo lwami bifuma kwi Lesa.
Lesa ye jibwe jami jakosa, kabiji kyo kya kufyamamo kyami.+
8 Anweba bantu, ketekelai mwi aye kimye kyonse.
Mubuulai biji ku michima yenu.+
Lesa kyo kya kufyamamo kyetu.+ (Selah)
9 Baana ba bantu bajitu nobe muya,
Baana ba bantu kyo kya kufyamamo kya bubela.+
Umvwe bebabika bonse pa kipimo, bapelatu pepe kukila muya.+
10 Kange muketekele mu bintu bya lunkanankana
Nangwa kuketekela mu bintu bya kwiba ne.
Umvwe bunonshi bwenu bwavula, kechi mwibuketekele ne.+
11 Naumvwine jibiji byaambile Lesa amba:
Bulume bo bwa kwa Lesa.+