Masalamo
Kwi ntangi. Lwimbo wa kwa Davida.
2 Mwamupa bintu bikeba muchima wanji,+
Kabiji kechi mwamutana bintu bilomba byatunwa byanji ne. (Selah)
4 Wimulombele bumi, ne anweba mwamupelebo,+
Bwa moba avula, myaka ne myaka.
5 Mingilo yenu ya lupulukilo imuletela lukumo lukatampe.+
Mwamupa munema ne lukumo.
7 Mambo mfumu waketekela mwi Yehoba;+
Kabiji na mambo a butemwe bubula kwaluka bwa Mwine Wakila, kechi ukasunkena* ne.+
8 Kuboko kwenu kukakwata balwanyi benu bonse;
Kuboko kwenu kwa kilujo kukakwata boba bemushikwa.
9 Mukebalengela kwikala nobe baji mu kisha kya mujilo pa kimye kyatongolwa kyo mukeya na kwibapikita.
Yehoba ukebamina mu bukaji bwanji, kabiji mujilo ukebasoka.+
10 Ba mu kisemi* kyabo bakebonauna pano pa ntanda,
Ne ba mu kisemi kyabo bakafumamo mu bantu.
12 Anweba mukebalengela kunyema+
Byo mukebavwemwina buta bwenu bwa mukanda.
13 Anweba Yehoba, imanai mu bulume bwenu.
Tukemwimbila nyimbo ya kutota bulume bwenu.