Yelemiya
48 Yehoba wa mabumba, Lesa wa Isalela waamba pa bena Moabu+ amba:
“Malwa anji muzhi wa Nebo,+ mambo bamonauna!
Muzhi wa Kiliataimu+ bamulengesha bumvu ne kumushinda.
Kya kufyamamo* bekilengesha bumvu ne kwikyonauna.+
2 Abo bekileka kutotaika kyalo kya Moabu.
Mu Heshibonyi,+ abo bafuukwilepo bya kwikyonauna ne kwamba’mba:
‘Twayai, twikivizhe kibule kwikala kisaka kya bantu.’
Ne obewa mpunzha ya Mademana wikaletu nzoo,
Mambo mpoko yakunankama.
3 Mu muzhi wa Holonaimu+ mubena kumvwanyika bantu babena kujila,
Mambo muzhi bamonauna ne kumukundula.
4 Moabu bamonauna.
Baana banji babena kujila.
5 Babena kujila bingi pa kutuntuka kuya ku mpunzha ya Luhita.
Kabiji byo babena kukunkuluka kufuma mu muzhi wa Holonaimu, babena kumvwa mabingo na mambo a bya malwa.+
6 Nyema, pulusha bumi* bobe!
Wikale nobe kichi kya yunipa kiji mu kiselebwa.
7 Mambo waketekela mu bintu byo uba ne mu bya buneme byobe,
Ne obewa bakakukwata.
Kabiji Kemoshi+ bakamutwala mu buzha,
Pamo na bañanga bo aji nabo ne babinemanga banji.
8 Wipayañana ukeya mu mizhi yonse,
Kafwako muzhi nangwa umo ukashalapo kwa kubula kumonauna ne.+
Kimpachiko* bakekyonauna,
Ne kyalo kyabula mitumba bakekyonauna, monkatu mwaambijile Yehoba.
9 Bikai kayukilo ka kumumwesha Moabu jishinda,
Mambo kimye kyo akapona ne kushalatu milumba ya bikulukulu ukanyema,
Ne mizhi yanji ikalengeshanga bantu moyo,
Kabiji kechi mukekalapo bantu ne.+
10 Wafingwa awa muntu wingila mwingilo wa Yehoba na mukose!
Wafingwa awa muntu ukanya mpoko yanji kwichila mashi!
11 Bena Moabu baikala mutende kufumatu ku bwanyike bwabo,
Nobe binyu byaikala peulu ya bishipwa.
Kechi bebitulwilapo mu kipe kimo kufuma mu kipe kikwabo ne,
Kabiji kechi bakibatwalapo kala mu buzha ne.
O ene mambo kutobala kwabo o kwakishajilatu ne luno nobe binyu,
Ne bwema bwabo bwawama nabo kechi bwaaluka ne.
12 “Yehoba waamba’mba, ‘Umvwai! Moba abena kwiya o nkatuma banabalume kuya na kwibapinuna. Bakebapinuna ne kwitulula biji mu bipe byabo, kabiji bakalalaula ne milondo yabo ikatampe. 13 Kabiji bena Moabu kikebalenga bingi bumvu na mambo a Kemoshi, byonkatu kisaka kya Isalela byo bekilengeshe bumvu na mambo a Betele ye bakinkilemo manungo.+
14 Mambo ka o mwambila’mba: “Atweba twi babiyangala, benengezha kulwa nkondo”?’+
15 Mfumu, wa jizhina ja Yehoba wa mabumba+ waamba’mba,
‘Moabu bamutula bulemo,
Mizhi yanji beilukuka,+
Ne bansongwalume babo bo basala bebepaya.’+
16 Bya malwa biji pepi kufikila bena Moabu,
Ne lonaiko lwabo lwafwenya pepi.+
17 Bakebomvwina lusa ku boba bonse bebazhokoloka,
Ku boba bonse bayuka jizhina jabo.
Babuulai amba: ‘Kamama kakosa bekachimuna, yo ndondo ya buya!’
18 Fumai pa lukumo lwenu,
Ne kwikala panshi saka mwafwa kilaka,* anweba bantu mwikala mu Dibona,+
Mambo wipaya bena Moabu wimuzhingijila,
Kabiji ukonauna masakwa enu akosa.+
19 Anweba bena Aloa,+ imanai ku mukwakwa mumone.
Ipuzhai banabalume ne banabakazhi babena kunyema amba, ‘Ki ka kyamweka?’
20 Moabu bamulengesha bumvu ne kwikala na moyo.
Wowakanai ne kujila.
Buulai bantu ba mu Alanonyi+ amba Moabu bamonauna.
21 “Luzhachisho lwaiya mu kyalo kyabula mitumba+ pa muzhi wa Holona, Yahaza,+ Mefwata;+ 22 Dibona,+ Nebo,+ Betedibalataimu; 23 Kiliataimu,+ Betegamula, Betemeona;+ 24 Keliota,+ Bozula; ne mizhi yonse ya mu kyalo kya Moabu iji kwalepa ne kwipi.
25 Yehoba waamba’mba, ‘Moabu bamupwisha bulume;*
Kuboko kwanji bekuchimuna.’
26 ‘Mulengelai kupendwa,+ mambo aye witumbijika kukila Yehoba.+
Moabu ubena kwalañana mu malashila anji,
Kabiji babena kumwendeleka.
27 Nanchi obewa kechi yobe waendelekelenga Isalela nenyi?+
Nanchi wamutaaine pa bangivi,
Pa kuba’mba upukunyenga ku mutwe wobe ne kumwambila bintu byatama nyi?
28 Anweba bena Moabu, fumai mu mizhi mukekale mu mabwe,
Ne kwikala nobe nkunda ulenga kinsa mu mbaji ya kimpachiko.’”
29 “Twaumvwa kwitota kwa Moabu, aye wilundumika bingi.
Twaumvwa kwijantula kwanji, kwilundumika kwanji, kwitota kwanji ne kwitumbijika mu muchima wanji.”+
30 “Yehoba waamba’mba, ‘Nayuka bukaji bwanji,
Pano bino, kwitota kwanji kwatutu.
Kafwako kyo bakoba ne.
31 O ene mambo o nkamujijila mabingo Moabu,
Kyalo kyonse kya Moabu nkekijila
Ne kujila bantu ba mu Kila-helesa.+
Misele yobe yasapuka, yafika ku bushiya bwa kalunga ka mema.
Yafika ku kalunga ka mema, ku Yazela.
Bipangwa byobe bipya mayoo ne mañanzañanza obe o wanowa.
Wipayañana walukuka.+
33 Kusekela ne kusangalala bekufumyamo mu bujimi bwa bipangwa
Ne mu kyalo kya Moabu.+
Nalekesha binyu kufuma mu kya kufiinamo mañanzañanza.
Kafwako muntu nangwa umo ukabijikanga na lusekelo pa kunyantaulamo ne.
Kubijika kukekalako, kechi kukekala kwa lusekelo ne.’”+
34 “‘Kujila ko babena kujila mu Heshibonyi+ kwaumvwanyika ku Eleale.+
Kujila kwabo kwaumvwanyika ne ku Yahaza,+
Kujila ko babena kujila mu Zoala kwaumvwanyika ku Holonaimu+ ne ku Egalata-shelishiya.
Ne mema a mu Nemilima akooma.’+
35 Yehoba waamba’mba, ‘Mu Moabu nkalekesha,
Muntu kuleta mulambo ku mpunzha yatuntama
Ne yewa utapisha bitapisho kwi lesa wanji.’
36 O ene mambo muchima wami o akakulunkuchila pa kujila* Moabu nobe kuvuma kwa mumpempe,*+
Kabiji muchima wami ukakulunkunta pa kujila* bantu ba mu Kila-helesa nobe kuvuma kwa mumpempe.*
Mambo bintu byo anonka bikonaika.
37 Mambo mitwe yonse yasebeka mabala,+
Kabiji myevu yonse beitenda.
38 “Yehoba waamba’mba, ‘Pa misemi yonse ya mazubo a Moabu
Ne mu mabanza anji onse,
Mujitu kujila mabingo.
Mambo amiwa namulalaula Moabu
Nobe mulondo wapwa nkito.’
39 ‘Moabu bamulengesha moyo! Jilai mabingo!
Moabu wanyema na mambo bumvu!
Moabu waaluka ke kintu kya kwendeleka,
Kibena kulengesha moyo boba bonse bamuzhokoloka.’”
40 “Mambo Yehoba waamba’mba:
41 Mizhi bakeishinda,
Ne masakwa anji akosa bakeangata.
Mu joja juba, babiyangala ba bena Moabu bakomvwa misongo
Nobe mwanamukazhi ubena kupaapa.’”
42 “‘Kabiji Moabu bakamonauna, mwi aye kechi mukekala bantu jibiji ne,+
Mambo Yehoba wamuzhingijila Moabu na mambo a kwitumbijika mwine.+
43 Yehoba waamba’mba, ‘Bintu bileta moyo, kimbo ne kitewa biji,
Pe anweba bena Moabu.’
44 Yehoba waamba’mba, ‘Muntu yense ubena kunyema bintu bileta moyo ukaponena mu kimbo,
Ne yense ubena kutuntuka mu kimbo ukafwa mu kitewa.
Mambo amiwa nkanengezha mwaka wa kukambwilamo Moabu.’
45 ‘Mu kimfutele kya Heshibonyi, aba babena kunyema bulume bwibapwa.
Mambo mujilo ukafuma mu Heshibonyi
Ne lubebe lwa mujilo lukafuma mu muzhi wa Sihona.+
Ukasoka kilungi kya Moabu
Ne kabwekoshi ka baana ba malwañano.’+
46 ‘Malwa obe, obewa Moabu!
Bantu ba kwa Kemoshi+ baonaika.
Mambo baana bobe bebatwala mu buzha,
Ne baana bobe ba bakazhi bebatwala mu buzha.’+
47 Yehoba waamba’mba, ‘Pano bino, mu moba akapelako amiwa nkakonkanya pamo bantu ba mu Moabu bo batwajile mu buzha.
Pano po papwila byambo byaamba pa kuzhachisha Moabu.’”+