Yelemiya
51 Yehoba waamba’mba:
2 Amiwa nkatuma bantu ku Babilona na kumupalañanya byonkatu kipupu byo kisenda nenge,
Kabiji bakamusenda ne kusha kyalo kyanji ke masala;
Mu juba ja bya malwa, bakamulukuka kufuma konse konse.+
3 Kange muleke muntu wayuka kuvwemuna buta bwa mukanda ebuvwemune* ne.
Kabiji kange muleke muntu nangwa umo emane saka avwala kivwalo kyanji kya kyela ne.
Kange mumvwine lusa bansongwalume banji ne.+
Ipayai bashilikale banji bonse.
4 Kabiji bakafwila mu kyalo kya bena Kalodeya,
Bakebapulankenya mu mikwakwa yanji.+
5 Mambo Yehoba wa mabumba kechi wibalekelela bena Isalela ne bena Yuda ne.+ Kechi baji nobe banabakazhi bafwilwa kwi Lesa wabo ne.
Pano bino, kyalo* kyabo bekizhachisha kwi aye Wazhila wa Isalela.
Kange mufwile mu bubi bwanji ne.
Mambo kimye kya Yehoba kyafika kya kushinkanya nanji.
Ubena kumukambula monka mwayila bintu byo auba.+
7 Babilona waikala ke katomeno ka ngolode kaji mu kuboko kwa Yehoba;
Walengejile ntanda yonse kupendwa.
8 Babilona wapona ne kuchimuka kya kubazhimukilatu.+
Mujilai mabingo!+
Mupai manyi a balasama na mambo a misongo yanji; kampe usakukosa.”
9 “Twaesekele kuba’mba tubuke Babilona, pano bino, kechi wakosele ne.
Mushai, twayai tubwele, muntu yense ku kyalo kyanji.+
Mambo kuzhatwa kwanji kwafika mwiulu;
Kwafika ne mu makumbi.+
10 Yehoba wituchibila mambo monka mo aolokela.+
Twayai tutaye mbila ya mingilo ya Yehoba Lesa wetu mu Ziona.”+
11 “Nonai miketo;+ sendai makebo* anzhingwile.
Yehoba wapa bulume bamfumu ba bena Meda,+
Mambo aye wakeba’mba onaune Babilona.
Mambo kuno ko kushinkanya kwa Yehoba, kushinkanya na mambo a nzubo yanji.
12 Imikai kiyukilo*+ ku masakwa a Babilona.
Vuzhai bakasopa ne kwibabika po bafwainwa kwimana.
Salai bantu ba kumubelamina.
Mambo Yehoba walangulukila jimo bya kwiboba,
Kabiji ukoba bintu byo alayile kuba bantu bekala mu Babilona.”+
13 “Obewa mwanamukazhi wikala pa mema avula,+
Obewa uji na bya buneme byavula,+
Mpelo yobe yafika ne mashinda mo wamwenanga bintu apwa.+
14 Yehoba wa mabumba wachipa mwine* amba,
‘Nkalengela banabalume mwi obewa kuvula nobe nzhiye,
Kabiji bakemba na lusekelo pa bikakumwekela.’+
15 Aye ye walengele ntanda na bulume bwanji,
Ye waikajikile kyalo kwingijisha maana anji+
Kabiji ye watanyikile jiulu na milangwe yanji.+
Ulengela mvula kubesha,
Kabiji ulupula mwela mu matala anji.+
17 Muntu yense uba bintu byabula maana kabiji kwa kubula kuyuka.
Sendwe yense wa byela bakamulengesha bumvu na mambo a kipashañano kya kusonga;+
Mambo kipashañano kyanji kya kyela* kyo kyatutu,
18 Byo byatutu,*+ byo baseka ku bantu.
Byo kikafika kimye kya kwibakambula, bakavila.
19 Lesa wa kwa Yakoba kechi waesakana na bano bankishi ne,
Mambo aye ye walengele bintu byonse,
Ne bena Isalela kyo kya buswanyi kyanji.+
Jizhina janji Yehoba wa mabumba.”+
20 “Obewa wi kakonkolo kami ka nkondo, kyela kyami kya kulwilako nkondo,
Mambo obewa yobe nkengijisha kulalawilako bisaka bya bantu.
Nkengijisha obewa konawinako bufumu bonse.
21 Nkakwingijisha kwipayilako bambili ne bendapo.
Nkakwingijisha kuchimawinako makalaki a nkondo ne bendapo.
22 Nkakwingijisha kwipayilako banabalume ne banabakazhi.
Nkakwingijisha kwipayilako bakote ne banyike.
Nkakwingijisha kwipayilako bansongwalume ne bansongwakazhi.
23 Nkakwingijisha kwipayilako bakafunga ne mikooko yabo.
Nkakwingijisha kwipayilako banjimi ne banyama babo bo bengijisha pa kujima.
Nkakwingijisha kwipayilako bandamabyalo ne bakalama ba kibiji.
24 “Amiwa nkakambula Babilona ne bena Kalodeya
Na mambo a bubi bonse bo bauba mu Ziona kwi obewa.”+ byo byaamba Yehoba.
25 Yehoba waamba’mba, “Amiwa nakuzhingijila+ obewa mutumba wonauna,
Yenka obewa waonauna ntanda yonse.+
Amiwa nkatanyikila kuboko kwami pe obewa ne kukwalumuna kufuma pa mabwe akatampe
Kabiji nkakwalula kwikala mutumba wapya.”
26 Yehoba waamba’mba, “Bantu kechi bakasendamo jibwe jikatampe ja pa jikonka nangwa jibwe ja kitendekesho mwi obewa ne,
Mambo obewa ukekala masala myaka ne myaka.”+
27 “Imikai kiyukilo* mu kyalo.+
Vumyai lusengo mu bisaka bya bantu.
Salai* bisaka bya bantu bya kumulukuka.
Mutuminai bufumu bwa Alalata,+ bwa Mini ne bwa Ashakenazi.+
Mutuminai mushilikale utwezha nkito.
Bambili beye nobe byana bya nzhiye.
28 Salai* bisaka bya bantu bya kumulukuka,
Bamfumu ba bena Media,+ bandamabyalo ne bakalama ba kibiji bajimo
Ne byalo byonse byo balama.
29 Ntanda itenkene ne kuzakama,
Mambo bintu Yehoba byo afuukulapo kuba Babilona ukebyuba
Ukalula kyalo kya Babilona kwikala kintu kikankamika bantu, kabiji kechi mukekala bantu ne.+
30 Babiyangala ba bena Babilona baleka kulwa.
Baikala mu masakwa abo akosa.
Bulume bwabo bwapwa.+
Baaluka nobe banabakazhi.+
Mizhi yanji beisoka.
Mipingilo yanji beichimuna.+
31 Awa utwala makalata ubena kuya na kutaana mukwabo utwala makalata,
Kabiji muluwe ubena kuya na kutaana muluwe mukwabo,
Kuba’mba bakabuule mfumu wa Babilona amba muzhi wanji yense bamushinda,+
32 Kuba’mba myaba beyangata,+
Maato a matete beasoka,
Ne kuba’mba bashilikale bebalengesha moyo.”
33 Mambo Yehoba wa mabumba, Lesa wa Isalela waamba’mba:
“Muzhi wa Babilona ujitu nobe kipujilo.
Kimye kyafika kya kumunyantaula.
Katatakatu kimye kya kumunowa kikafike.”
34 “Nebukaneza Mfumu wa Babilona wañonauna;+
Wamvulañanya bingi.
Wangalula nobe kipe mwabula bintu.
Aye wammina nobe muloolo mukatampe;+
Waikuta bintu byami byawama.
Kabiji wansukulula.
35 Wikala mu Ziona waamba’mba, ‘Bintu byatama byo bauba kwi amiwa ne ku mubiji wami, bimwekele Babilona.’+
Yelusalema waamba’mba, ‘Mashi ami ebashinkamane bena Kalodeya.’”
36 Onkao mambo, Yehoba waamba’mba:
Nkomisha kalunga kanji ka mema ne mishima yanji.+
37 Babilona ukaluka ke milumba ya mabwe,+
Mpunzha mwa kulaala balubwala,+
Ukekala kintu kikankamika bantu ne kwibalengela kwita milozhi,
Kabiji kechi mukekala bantu ne.+
38 Bonse pamo bakabuluma nobe baana ba mabokwe.
Kabiji bakabuluma nobe twana twa mabokwe.”
39 Yehoba waamba’mba, “Kimye kyo bakasekelanga, amiwa nkebanengezhezha kijiilo ne kwibalengela kupendwa,
Pa kuba’mba bakasangalale;+
Kepo bakalaala tulo twa myaka,+
To bakabula kubukapo jibiji.”
40 “Nkebaleta kwa kwibepayila nobe baana ba mikooko,
Kabiji nobe mikooko ilume ne bambuzhi.”
Babilona waikala ke kintu kikankamika bantu mu bisaka bya bantu!
42 Kalunga ka mema kaiya pa Babilona.
Manyaki ako akatampe amwibizha.
43 Mizhi yanji yaikala ke kintu kikankamika bantu, ke kyalo mwabula mema kabiji ke kiselebwatu.
Ke kyalo mukabula kwikala muntu nangwa umo, kabiji kechi mukapitanga bantu ne.+
Bisaka bya bantu kechi bikeya kwi aye jibiji ne,
Kabiji nsakwa ya Babilona ikapona.+
45 Anweba bantu bami, fumaimo mwi aye!+
Nyemai mupulushe bumi* bwenu+ ku bukaji bukatampe bwa Yehoba!+
46 Umvwe mwaumvwa nkuwa ya bintu bibena kumweka mu kyalo, kange mukabambishe michima yenu nangwa kumvwa moyo ne.
Mambo mu mwaka umo mukomvwa nkuwa ya bino bintu,
Kabiji mwaka ukalondelapo mukomvwa nkuwa ikwabo,
Ya bukapondo mu kyalo ne bamfumu kwiimena mulwabo.
47 Onkao mambo, umvwai, moba abena kwiya
O nkonauna bipashañano bya kusonga bya mu Babilona.
Kyalo kyanji kyonse bakekilengesha bumvu,
Ne bantu banji bonse bo bakepaya, bakalaalazhama mwi aye.”+
48 Yehoba waamba’mba, “Jiulu ne ntanda ne bintu byonse bijimo,
Bikemba na lusekelo na mambo a bintu bikamwekela Babilona,+
Mambo bantu bakeya na kumonauna, bakafumina ku kabeta ka ku buyeke.+
49 Babilona kechi walengejiletu bena Isalela bonka kufwa ne,+
Bino Babilona walengejile ne bantu bonse ba mu ntanda kufwa.
50 Anweba mubena kunyema mpoko, nyemaingatu kange mwimane ne!+
Muvulukenga Yehoba saka mukiji kwalepa,
Kabiji mulangulukenga ne pa Yelusalema.”+
51 “Betulengesha bumvu, mambo twaumvwa myendeleko.
Kitulenga bingi bumvu,
Mambo bantu bafuma ku byalo bingi* balukuka mapunzha azhila a mu nzubo ya Yehoba.”+
52 Onkao mambo, Yehoba waamba’mba, “Umvwai moba abena kwiya,
O nkonauna bipashañano bya kusonga bya mu Babilona,
Kabiji mu kyalo kyanji kyonse mukomvwanyika kubinza kwa bantu bo bakozha.”+
53 Yehoba waamba’mba, “Nangwa kya kuba Babilona akanyemene mwiulu,+
Nangwa akakoseshe masakwa anji,
Amiwa nkamutumina bantu bakumonauna.”+
54 “Umvwai! Mu Babilona muji kujila,+
Kujila na mambo a bya malwa bikatampe kubena kufumina ku kyalo kya bena Kalodeya,+
55 Mambo Yehoba waonauna Babilona,
Ukamukanya kujila,
Kabiji mawi a balwanyi banji akekala nobe mpoota ya mema.
Mawi abo akomvwanyika.
56 Mambo kukeya muntu ukonauna Babilona;+
Babiyangala banji bakebakwata,+
Mata abo a mukanda bakeachimauna,
Mambo Yehoba ye Lesa ushinkanya.+
Kine ukamukambula.”+
57 Mfumu, wa jizhina ja Yehoba wa mabumba waamba’mba, “Amiwa nkalengela babinemanga banji ne bantu banji ba maana kupendwa,
Bandamabyalo, bakalama ba kibiji ne babiyangala banji kupendwa,+
Abo bakalaala tulo twa myaka,
To bakabula kubukapo jibiji.”+
58 Yehoba wa mabumba waamba’mba:
“Nangwa kya kuba masakwa a Babilona abaya bakeonauna,+
Nangwa kya kuba binzhilo byanji byalepa bakebisoka.
Bantu bakengila kyatutu;
Bisaka bya bantu bikapulwilamotu mabuula mu mingilo yabyo.”+
59 Ngauzhi Yelemiya wakambizhe Selaya mwana wa kwa Neliya,+ Neliya mwana wa kwa Maseya, kimye kyo ayile na Mfumu wa Yuda aye Zedekiya ku Babilona mu mwaka wa buna wa bukalama bwanji; Selaya ye watalanga pa bintu bya mfumu. 60 Yelemiya wanembele mu buku umo bya malwa byonse bikamwekela Babilona, bino byambo byonse byaambilenga pa bintu bikamwekela Babilona. 61 Kabiji Yelemiya waambijile Selaya amba: “Byo ukafika mu Babilona, ukatange bino byambo byonse na jiwi ja peulu. 62 Kepo ukambe’mba, ‘Anweba Yehoba, mwaamba pa ino mpunzha kuba’mba bakeyonauna ne kwiishatu kwa kubula bekalamo, bantu nangwa banyama kabiji amba ikashalatu masala myaka ne myaka.’+ 63 Kabiji byo ukapwisha kutanga uno buku, ukakashileko jibwe ne kumutaya pakachi ka mukola wa Ufelata. 64 Kepo ukambe’mba, ‘Byonka bino ne Babilona byo byo akebila panshi, kechi ukaselukapo jibiji ne,+ na mambo a bya malwa byo nkamuletela; kabiji bakakookatu zubulu.’”+
Pano po papwila byambo byaambile Yelemiya.