Anembele Mateo
1 Uno ye buku waamba* pe Yesu Kilishitu,* mwana wa kwa Davida,+ mwana wa kwa Abalahama:+
2 Abalahama wasemene Izaka;+
Izaka wasemene Yakoba;+
Yakoba wasemene Yuda+ ne baana bakwabo;
3 Yuda wasemene Peleze ne Zela+ mwi Tamala;
Peleze wasemene Hezelona;+
Hezelona wasemene Lama;+
4 Lama wasemene Aminadaba;
Aminadaba wasemene Nashona;+
Nashona wasemene Samona;
5 Samona wasemene Boaza mwi Lehaba;+
Boaza wasemene Obeda mwi Luta;+
Obeda wasemene Yese;+
6 Yese wasemene mfumu Davida.+
Davida wasemene Solomone+ mwi muka Uliya;
7 Solomone wasemene Lehoboma;+
Lehoboma wasemene Abiya;
Abiya wasemene Asa;+
8 Asa wasemene Yehoshafwata;+
Yehoshafwata wasemene Yeholama;+
Yeholama wasemene Uzaya;
9 Uzaya wasemene Yotamo;+
Yotamo wasemene Ahaza;+
Ahaza wasemene Hezekiya;+
10 Hezekiya wasemene Manase;+
Manase wasemene Amonyi;+
Amonyi wasemene Yosiya;+
11 Yosiya+ wasemene Yekoniya+ ne baana bakwabo kimye Bayudea kyo bebatwajile mu Babilona.+
12 Byo bebatwajile mu Babilona, Yekoniya wasemene Shalachele;
Shalachele wasemene Zelubabele;+
13 Zelubabele wasemene Abeuda;
Abeuda wasemene Eliakima;
Eliakima wasemene Azola;
14 Azola wasemene Zadoki;
Zadoki wasemene Akima;
Akima wasemene Eleuda;
15 Eleuda wasemene Eleaza;
Eleaza wasemene Matana;
Matana wasemene Yakoba;
16 Yakoba wasemene Yosefwa, mwatawanji Maliya inanji Yesu,+ utelwa’mba Kilishitu.+
17 Bisemi byonse kutendekela pe Abalahama kufika pe Davida byajinga 14; kabiji kufuma pe Davida kufika kimye kyo bebatwajile ku Babilona nabyo byajinga 14; kabiji kufuma kimye kyo bebatwajile ku Babilona kufika kwi Kilishitu byajinga 14.
18 Kusemwa kwa kwa Yesu Kilishitu kwajinga bino. Inanji aye Maliya byo bamwipangwizhe kwi Yosefwa, kyatainwe’mba waimita na mupashi*+ wazhila saka bakyangye kwisongola. 19 Nangwa byonkabyo, Yosefwa mwatawanji byo ajinga waoloka, kechi wakebelenga kumulengesha bumvu ku bantu ne, wakebelenga kumukana mu bufyamfya.+ 20 Bino byo alangulukilenga pa bino bintu, malaika wa Yehoba* wamwekele kwi aye mu kiloto ne kumwambila’mba: “Yosefwa, mwana wa kwa Davida, kange uchine kutwala Maliya mukazhobe ku nzubo ne, mambo awa ye aimita wamwimita na mupashi wazhila.+ 21 Ukasema mwana wa mulume kabiji ukamutumbe’mba Yesu,*+ mambo aye ukapulusha bantu ku bundengamambo bwabo.”+ 22 Abino byonse byamwekele’mba kifike akya kyaambile Yehoba* mwi ngauzhi wanji, amba: 23 “Talai! Kisungu ukemita ne kusema mwana wa mulume kabiji bakamutumba’mba Imanuele,”+ kulumbulula’mba, “Lesa Uji Ne Atweba.”+
24 Byo abuukile pa tulo, Yosefwa waubile monka mwamukambizhizhe malaika wa Yehoba* ne kumusenda mukazhanji ku nzubo. 25 Pano bino, kechi wilaajile nanji ne, kufikatu ne kimye kyo asemene mwana wa mulume+ ne kumutumba’mba Yesu.+