Itanshi ya kwa Yoano
2 Anweba baana bami, mbena kwimunembela bino bintu kuba’mba mubule kulenga mambo. Umvwe umo walenga mambo, tuji na nkwasho uji kwi Tata, aye Yesu Kilishitu,+ waoloka.+ 2 Aye waikala kitapisho*+ kya mambo etu+ kuba’mba tupwane ne Lesa, kechi mambo etutu onka ne, bino ne a ba pano pa ntanda ponse.+ 3 Kabiji na mambo a kino twayuka’mba, twamuyuka, ko kuba’mba umvwe twatwajijila kulondela mikambizho yanji. 4 Awa wamba’mba, “Amiwa namuyuka,” bino saka abula kulondela mikambizho yanji, ye wa bubela, ne bukine kechi buji mu yewo muntu ne. 5 Bino awa ulondela mambo anji, butemwe bo atemwa Lesa bwalumbuluka.+ Na mambo a kino twayuka’mba tuji mwi aye.+ 6 Awa wamba’mba uji mwi aye wafwainwa kwendanga byonka byo aendanga.+
7 Anweba batemwe bami, kechi mbena kwimunembela mukambizho mupya ne, bino yenkawa mukambizho wa kala ye mwajinga nanji ku ntendekelo.+ Uno mukambizho wa kala o mambo o mwaumvwine. 8 Kabiji mbena kwimunembela mukambizho mupya, yenka ye alondelanga, ne anweba ye mubena kulondela, mambo mfishi ibena kupita ne kyeya kyasama kala.+
9 Awa wamba’mba uji mu kyeya bino saka ashikwa+ mulongo wanji, ukiji mu mfishi.+ 10 Awa watemwa mulongo wanji, uji mu kyeya+ kabiji mwi aye kechi muji kya kwituntulako ne. 11 Bino awa washikwa mulongo wanji, uji mu mfishi kabiji ubena kwenda mu mfishi,+ kabiji kechi wayuka ko abena kuya ne,+ mambo mfishi yamupofula meso.
12 Anweba baana, mbena kwimunembela, mambo mambo enu alekelwa na mambo a jizhina janji.+ 13 Anweba bashabo, mbena kwimunembela, mambo mwamuyuka awa wajingako ku ntendekelo. Ne anweba bansongwalume mbena kwimunembela, mambo mwamushinda aye mubi.+ Anweba banyike nemunembela, mambo mwamuyuka Tata.+ 14 Anweba bashabo nemunembela, mambo mwamuyuka awa wajingako ku ntendekelo. Anweba bansongwalume nemunembela, mambo mwakosa+ ne mambo a Lesa aji mwi anweba+ kabiji mwamushinda aye mubi.+
15 Kange mutemwenga pano pa ntanda nangwa bintu bya pano pa ntanda ne.+ Umvwe muntu watemwa pano pa ntanda, butemwe bwa kutemwa Tata kechi buji mwi aye ne;+ 16 mambo bintu byonse biji pano pa ntanda—bya kusakasaka bya mubiji+ ne bintu bisakasaka meso+ ne muntu kwimwesha na bintu byo aji nabyo mu bwikalo*—kechi bifuma kwi Tata ne, pakuba bifuma pano pa ntanda. 17 Kabiji pano pa ntanda pabena kupita ne bya kusakasaka bijipo,+ pakuba awa uba kyaswa muchima wa Lesa ukekala myaka ne myaka.+
18 Anweba baana ba bacheche, kino kyo kimye kyapelako kabiji byonkatu byo mwaumvwine’mba ulengulula Kilishitu ubena kwiya,+ ne luno balengulula Kilishitu bavula bamweka kala,+ kino kitulengela kuyuka’mba kino kyo kimye kyapelako. 19 Bano bantu bafumine mwi atweba, bino kechi bajinga betu ne;+ mambo umvwe bajinga betu inge batwajijila kwikala ne atweba. Pakuba abo bafuminemo kuba’mba kiyukanyikwe amba kechi bonse bajinga betu ne.+ 20 Anweba mwashingwa kwi yewa wazhila,+ kabiji bonse mwayuka bukine. 21 Nemunembela kechi na mambo a kuba’mba mwaluba bukine ne,+ bino mwibuyuka, ne na mambo a kuba kafwako bubela bufuma mu bukine ne.+
22 Nanchi muntu wa bubela kechi yewa ukana’mba Yesu kechi ye Kilishitu nenyi?+ Uno ye ulengulula Kilishitu,+ yenka ukana Tata ne Mwana pamo. 23 Yense ukana Mwana kechi waitabilwa kwi Tata ne.+ Pakuba awa witabila Mwana+ ye waitabilwa kwi Tata.+ 24 Kabiji anweba kintu kyo mwaumvwine ku ntendekelo kyafwainwa kutwajijila kwikala mwi anweba.+ Umvwe akya kyo mwaumvwine ku ntendekelo kyaikala mwi anweba, ne anweba mukekalanga monka mwi aye Mwana ne aye Tata. 25 Kabiji kino kyo kyo etulaya aye mwine—bumi bwa myaka ne myaka.+
26 Nemunembela bino bintu pa mambo a boba basaka kwimutwala mungi. 27 Pakuba anweba Lesa wimutongola* na mupashi wanji+ ne uno mupashi uji mwi anweba, kabiji kechi mukebewa kwimufunjisha ku muntu nangwa umo ne; bino kuno kutongolwa na mupashi wazhila kwa kine kechi kwa bubela ne, kabiji ubena kwimufunjisha pa bintu byonse.+ Twajijilai kwikala mwi aye byonkatu mupashi wazhila byo emufunjishe.+ 28 Onkao mambo, anweba baana, ikalai mwi aye kuba’mba kimye kyo akamweka tukakasuluke pa kwamba+ ne kubula kufumako kwi aye na bumvu pa kimye kya kwikalapo kwanji. 29 Umvwe mwayuka’mba aye waoloka, ko kuba’mba mwayuka ne kuba’mba yense uba bintu byaoloka ye wasemwa kwi aye.+