Masalamo

Bamba bya bubela pe amiwa;+

 3 Banzhokoloka saka bamba byambo byatama,

Kabiji bandukuka pa kubula mambo.+

 4 Bankana na mambo a butemwe bo mmwesha,+

Bino amiwa ntwajijilatu na kulomba.

 5 Banguba bintu byatama pa bintu byawama byo nguba+

Ne kunshikwa pa butemwe bo mmwesha.+

 6 Mutongole mubi kwikala mukulumpe pe aye;

Ne muntu wa milengulwila* emane ku kuboko kwanji kwa kilujo.

 7 Pa kumuchibila mambo, bamufwishe nao;*

Ne lulombelo lwanji lwikale ke mambo.+

 8 Moba a bumi bwanji akepe;+

Mwingilo wanji wa bukalama bape muntu mukwabo.+

 9 Baana* banji bekale baana babula bashabo,

Ne mukazhanji, ekale ke wafwilwa.

10 Baana* banji bapitañanengatu na kulomba bintu,

Ne kukeba kajo mu mazubo abo a kundauka.

11 Awa umukongwesha amwangate* bintu byonse byo aji nabyo,

Ne benyi bapukule bintu byanji.

12 Kange kwikale nangwa umo wa kumubila lusa* ne,

Kabiji kange kwikale nangwa umo wa kubila bibusa baana banji babula bashabo ne.

13 Ba mu kisemi* kyanji bafwe;+

Mazhina abo azhimañane mu kisemi.

14 Yehoba avuluke bubi bwa bashakulu babo,+

Ne mambo a inanji kange beazhimañanye ne.

15 Yehoba avulukenga kimye kyonse bintu byo bauba;

Kabiji alengele kubula kwibavuluka pano pa ntanda.+

16 Mambo kechi wavulukile kuba lusa* ne,+

Bino aye watwajijiletu kulondalonda wamanyikwa,+ muyanji ne walajika muchima

Kuba’mba amwipaye.+

17 Watemenwe kufingañana, ne mafingo amubwelejile;

Kechi wajinga na muchima wa kupesha ne, onkao mambo, kechi bamupesheshe ne.

Kabiji beetulwijile mu mubiji wanji nobe mema,

Atwelele mu bikupa byanji nobe manyi.

19 Mafingo anji ekale nobe kivwalo kyo ekumbakanya+

Kabiji ekale nobe mushipi ye enyinga kimye kyonse.

20 Ino yo mfweto Yehoba yo apa awa undengulula,+

Ne boba bañambila amiwa* bintu byatama.

21 Bino anweba Yehoba, Nkambo Mfumu,

Nkwashai na mambo a jizhina jenu.+

22 Mambo amiwa nabula wa kunkwasha kabiji nemuyanji,+

Ne muchima wami bamwasa.+

23 Mbena kuzhimañanatu nobe kimvule kibena kuzhimañana;

Nalelaulwa nobe luzhiye.

24 Manungo ami azukuma na mambo a kuzhikilwa na nzala;

Mubiji wami wanyana, kabiji mbena kunyonga.*

26 Anweba Yehoba Lesa wami, nkwashai;

Mpulushai na butemwe bwenu bubula kwaluka.

27 Bayuke’mba kuboko kwenu ko kwauba kino;

Ne kuba’mba anweba Yehoba, yenu mwikyuba.

Inge bañimena, kibalenge bumvu,

Pakuba kalume wenu asekele.

29 Aba bandengulula bapelulwe;

Bekumbakanye bumvu bwabo nobe munkukumba.*+

30 Kanwa kami kakatotanga bingi Yehoba;

Nkamutotanga ku meso a bantu bavula.+

31 Mambo aye ukemana ku kuboko kwa kilujo kwa muyanji

Kuba’mba amupokolole ku boba bamuzhachisha aye.*