Masalamo
71 Anweba Yehoba, nafyama mwi anweba.
Kange mundeke kindenge bumvu ne.+
2 Mu bololoke bwenu mpulushai ne kumpokolola.
3 Ikalai ke jibwe jami jakosa ja kufyamamo
Mo nakonsha kunyemena kimye kyonse.
Kambizhai amba bampulushe,
Mambo yenu jibwe jami jikatampe kabiji mwi nsakwa yami yakosa.+
4 Anweba Lesa wami, mpokololai mu kuboko kwa mubi,+
Mu kuboko kwa muntu wakanama.
5 Mambo anweba Nkambo Mfumu Yehoba, yenu naketekela;
6 Naketekela mwi anweba kufumatu kimye kyo nasemekelwe;
Yenu mwamfumishe munda mwa bamama.+
Nemutotanga kimye kyonse.
7 Naikala ke kya kukumya ku bantu bavula,
Bino anweba mwi kya kufyamamo kyami kyakosa.
8 Kanwa kami kayula na bya kwimutota;+
Kimye kyonse ñamba pa buneme bwenu.
10 Balwanyi bami bannena,
Kabiji aba bakeba konauna bumi* bwami bomvwañana+
11 Ne kwamba’mba: “Lesa wamulekelela.
Mupupilai ne kumukwata mambo kafwako wa kumupulusha ne.”+
12 Anweba Lesa, kange mwikale kwalepa ne amiwa ne.
Anweba Lesa wami, pelawizhai kunkwasha.+
Aba bakeba bya malwa kummwekela
Kibalenge bumvu kabiji balengululwe.+
14 Pakuba amiwa, nkatwajijila kwimupembelela;
Nkakizhamo kwimutota.
15 Kanwa kami kakambanga pa bololoke bwenu,+
Kimye kyonse nkambanga pa mingilo yenu ya lupulukilo,
Nangwa kya kuba yamvujila ya kukankalwa kubala.+
16 Nkeya na kwamba pa mingilo yenu ikatampe,
Anweba Nkambo Mfumu Yehoba;
Nkambangatu pa bololoke bwenu.
17 Anweba Lesa, mwamfunjisha kufumatu ku bwanyike bwami,+
Kabiji kufikatu ne luno, natwajijilatu kwamba pa mingilo yenu ya kukumya.+
18 Nangwatu byo nkakota ne kwikala na mvwi, anweba Lesa kange mukandekelele ne.+
19 Bololoke bwenu anweba Lesa, bwafika mwiulu;+
Mwauba bintu bikatampe;
Anweba Lesa, ñanyi waesakana ne anweba?+
20 Nangwa kya kuba mwandengela kupita mu makatazho ne mu bya malwa byavula,+
Nkoseshai jibiji;
21 Bayishai buneme bwami
Kabiji nzhokolokai ne kuntekenesha.
22 Kabiji nkemutotanga na kijimba kya mizhinge
Na mambo a bukishinka bwenu, anweba Lesa.+
Nkembanga nyimbo ya kwimutota na kyansa,
Anweba Wazhila wa Isalela.