Masalamo
Salamo wa Davida.
3 Suntwilai jifumo jenu ne kapasa* ku boba babena kumpangisha.+
Ñambilai amba: “Yami lupulukilo lobe.”+
4 Aba babena kukebakeba bumi* bwami kibalenge bumvu ne kulengululwa.+
Aba babena kulanguluka kungipaya babwelemo saka baji na bumvu.
5 Bekale nobe muungu ye bolulula ku mwela;
Malaika wa Yehoba ebapange.+
6 Mu jishinda jabo mwikale mfishi kabiji mutezhime
Malaika wa Yehoba byo abena kwibapangisha.
7 Mambo banta bukonde pa kubula mambo kuba’mba mfwemo;
Bampoyila kimbo pa kubula mambo.
8 Bya malwa bimufikile kya kubazhimukilatu;
Afwe mu bukonde bo atele mwine;
Aponene mu kimbo kyo apoyile aye mwine kabiji onaike.+
9 Pakuba amiwa* nkasekela mwi Yehoba;
Nkasangalela mu mingilo yanji ya lupulukilo.
10 Nkamba na muchima wami yense namba:
“Anweba Yehoba, ñanyi uji nobe anweba?
Mupokolola wabula ba kumukwasha ku boba bakosa,+
Babula ba kwibakwasha ne bayanji, mwibapokolola ku boba bebapukula bintu.”+
13 Bino byo bakolelwe, nenyingile kisapi kya majila;
Nemanyikilenga na kuzhikilwa na nzala,
Ne lulombelo lwami byo lwabujile kukumbulwa,*
14 Naendangatu na kujila uba nobe bajinga balunda nami nangwa balongo bami;
Nanyeñaminenga na mambo a bulanda, nobe muntu ubena kujila bainanji.
15 Bino byo netuntwile, abo basekejile ne kwikonkanya pamo;
Bakonkene pamo ne kumbelamina kuba’mba bamponeshe;
Bantabawile kabiji kechi bazhindaminepo ne.
17 Anweba Yehoba, bimye binga byo mukatalangapotu?+
18 Nkemusanchila mu kipwilo kikatampe;+
Nkemutota mukachi ka bantu bavula.
19 Kange muswishe aba baikala balwanyi bami pa kubula mambo, kusekela pe amiwa ne;
Kange muswishe aba banshikwa pa kubula mambo+ kumfyetekela jiso mu bujimbijimbi ne.+
20 Mambo kechi bamba byambo bya mutende ne,
Bino mu bujimbijimbi balanguluka kubila byatama bantu ba mu kyalo baikala mu mutende.+
21 Bangasamikila tunwa twabo ne kumpamo mambo,
Saka bamba’mba: “Eyo! Eyo! Twimwena na meso etu.”
22 Anweba Yehoba, mwikimona kino. Kange muzhindamepotu ne.+
Anweba Yehoba, kange mwikale kwalepa ne amiwa ne.+
23 Buukai mwimane ne kumpokololako,
Anweba Lesa wami, Yehoba, ñambilaiko mambo ami.
24 Anweba Yehoba Lesa wami, nchibilai mambo monka mwayila bololoke bwenu;+
Kange mwibaleke basekele pe amiwa ne.
25 Kange mwibaleke beambilenga mulwabo amba: “Eyo! Akye kyo kyo twakebelenga ne.”*
Kange mwibaleke bambe’mba: “Twamumina” ne.+
26 Mwibaleke bonse kibalenge bumvu,
Aba basekela pa bya malwa byami.
Mwibaleke aba betota bavwale bumvu ne kulengululwa.
27 Bino muswishe aba basekela mu bololoke bwami kwimba na lusekelo;
Bambenga kimye kyonse amba:
“Atumbijikwe Yehoba, yenka usekela mu mutende wa kalume wanji.”+