Masalamo
Lwimbo wa kwa Davida, wa kuvulukilako.
38 Anweba Yehoba, kange mumfunde na bukaji bwenu,
Nangwa kungololako saka mwazhingila ne.+
2 Mambo miketo yenu yangasa mukachi mwine,
Ne kuboko kwenu kwanchichimikila panshi.+
3 Nakolwatu* mubiji yense na mambo a bukaji bwenu.
Mu bikupa byami kafwamo mutende na mambo a bubi bwami.+
4 Mambo bubi bwami buji pa mutwe wami;+
Bwannemenatu nobe kipe kyanema.
5 Bilonda byami byabola kabiji bibena kununka
Na mambo a kukosama kwami.
6 Namanama ne kupopomenwa bingi;
Kimye kyonse ñendatu na bulanda.
8 Nakooka bingi, kabiji nachimauka;
Muchima wami wa bulanda undengela kubinza* bingi.
9 Anweba Yehoba, mwayuka bintu byonse byo nkeba,
Ne kubinza kwami kechi kwafyamika kwi anweba ne.
10 Muchima wami ubena kubamba bingi, bulume bwami bwapwa,
Kabiji kyeya kya mu meso ami kyapwa.+
11 Balunda nami ne bakwetu banchinuzhuka na mambo a kikola kyami,
Ne bayukane bami nabo bemena palepa.
12 Aba bakeba bumi* bwami banta bitewa;
Aba bakeba kunkozha bamba bya kuñonauna;+
Kimye kyonse bamba bya bujimbijimbi.
14 Njitu nobe muntu ubula kumvwa,
Ubula kwamba nangwa kimo mu kwipokolola.
16 Mambo naambile namba: “Kange basekele pe amiwa ne
Nangwa kwitumbijikila pe amiwa umvwe kulu kwami kwatezhimuka ne.”
17 Mambo najingatu pepi kupona,
Kabiji misongo yami yatwajijiletu.+
20 Bangubile bintu byatama pa bintu byawama byo naubile;
Bankainyenga na mambo a kuba bintu byawama.
21 Anweba Yehoba, kange mundekelele ne.
Anweba Lesa, kange mwikale kwalepa ne amiwa ne.+
22 Pelawizhai kunkwasha,
Anweba Yehoba, yenu mumpulusha.+