Habakuka
3 Lulombelo lwa ngauzhi Habakuka, lwa nyimbo ya bulanda:*
2 Anweba Yehoba naumvwa nkuwa yenu.
Anweba Yehoba, naakamwa mingilo yenu.
Yubai mu ino myaka!*
Isololai mu ino myaka.*
Mukavuluke kungubila lusa mu kimye kya bya malwa.+
Lukumo lwanji lwavwetele jiulu;+
Pano pa ntanda pakumbene kutotwa kwanji.
4 Kusama kwanji kwajinga nobe kyeya.+
Mu kuboko kwanji mwafuminenga mintetenga ibiji,
Monka mwafyamine bulume bwanji.
5 Kulutwe yanji kwatangijile mwalo,+
Ne kikola kya mashika kyalondejilenga ku maulu anji.
6 Waimene ne kusunkenya ntanda.+
Byo ebitajile bisaka bya bantu, byazakamine.+
Mitumba ya myaka beilalawile,
Kabiji tutumbatumba twa kala twafukamine.+
Ne mashinda a kala kene o anji.
7 Namwenemo bya malwa mu matente a Kushanyi.
Matente a mu kyalo kya Mijanyi azakamine.+
8 Anweba Yehoba, nanchi mwazhingijila mikola,
Nanchi mikola yo mwabuukila bukaji nyi?
Nangwa nanchi mwazhingijila kalunga ka mema nyi?+
9 Buta bwenu bwa mukanda mwibusolola ne kwibuvwemuna.
Tumama* mwitutuma na luchipo.* (Selah)
Mwaabanya ntanda na mikola.
10 Mitumba yajikimine na misongo pa kwimumona.+
Mvula mukatampe wa mukwe wanokele.
Jizhiba jabulumine na jiwi jajo.+
Jasuntwile maboko ajo peulu.
11 Juba ne ñondo byaimene mu bifulo byabyo bya peulu.+
Miketo yenu yalupukile nobe kyeya.+
Jifumo jenu jabesheshe nobe kubesha kwa mvula.
12 Mwapichile pa ntanda na bukaji.
Mwanyantawile* bisaka bya bantu saka mwazhingila.
13 Mwalupukile kuba’mba mupulushe bantu benu, ne kumupokolola mushingwa wenu.
Mwasansakenye ntangi* wa nzubo ya babi.
Yashajiletu patoka kufuma ku kitendekesho kukafika ne peulu.* (Selah)
14 Mwaashile ku mitwe ya babilobo banji na bilwilo* byanji mwine
Kimye kyo baishile amba bampalañanye.
Basekejile bingi pa konauna muntu uji mu lumanamo mu bufyamfya.
15 Mwanyantawile pa kalunga ka mema na bambili benu,
Mukachi ka mema avula.
16 Naumvwine kabiji nazakamine mu muchima;*
Pa kumvwa jiwi byatunwa byami byavwevwetelenga.
Bubole bwatwelele mu bikupa byami;+
Maulu ami azakaminenga.
Bino mpembelelanga juba ja bya malwa saka natekanya,+
Mambo jibena kwiya pa bantu betulukuka.
17 Nangwa kya kuba kichi kya mukuyu kikabule kulala buluba,
Ne miñanzañanza ikabule kupanga bipangwa;
Nangwa kya kuba maolivi akabule kupanga,
Ne mu majimi* mukabule kwikala kajo;
Nangwa kya kuba jitanga jikabule kwikala mu kipaka,
Ne bañombe bakabule kwikala mu bipaka;
18 Amiwa nkasangalelanga mwi Yehoba;
Nkasekelanga mwi Lesa wa lupulukilo lwami.+
19 Nkambo Mfumu Yehoba bo bulume bwami;+
Aye ukalengela maulu ami kwikala nobe a lupaala
Ne kundengela kwenda pa mapunzha atuntama.+
Kwi ntangi; na bijimba byami bya mizhinge.