Lwimbo wa pa Kukanjila.
121 Natazha meso ami ku mitumba.+
Nanchi bukwasho bwami bukafuma kwepi?
2 Bukwasho bwami bufuma kwi Yehoba,+
Mulenga wa jiulu ne ntanda.
3 Aye kechi ukaswisha kulu kobe kutezhimuka ne.+
Awa ukulama, kechi ukakunukapo ne.
4 Umvwa! Aye kechi ukakunuka nangwa kulaala ne,
Yenka ulama Isalela.+
5 Yehoba ubena kukulama.
Yehoba ye kimfutele+ kiji ku kuboko kobe kwa kilujo.+
6 Mu kimye kya mute, juba kechi jikakusoka ne,+
Nangwatu ñondo mu kimye kya bufuku ne.+
7 Yehoba ukakuzhikijila ku bintu byonse bikozhañana.+
Aye ukazhikijila bumi bobe.+
8 Yehoba ukakulama mu byonse byo uba
Kufumatu luno kufika ne ku myaka ne myaka.