Lwimbo wa pa Kukanjila.
120 Namwichile Yehoba byo namanaminenga,+
Ne aye wankumbwile.+
2 Anweba Yehoba, mpokololai ku byatunwa byamba bubela
Ne ku lujimi wa bujimbijimbi.
3 Ñanyi kintu kyo akakuba, kabiji Lesa ukakukambula byepi,
Obewa lujimi wa bujimbijimbi?+
4 Ukakukambula na miketo yatwa+ ya kilobo
Ne na makala ateema+ a kichi kya mungye.
5 Malwa ami, mambo naikala nobe mwenyi mu bena Mesheke!+
Naikala pakachi ka matente a bena Keda.+
6 Naikala moba avula,
Na boba bashikwa mutende.+
7 Amiwa natemwa mutende, bino inge naamba,
Abo bakebatu kulwa.