Ku Bena Tesalonika
3 Kyapelako, anweba balongo bami, saka mwitulombelako,+ kuba’mba byambo bya Yehoba* bikomenga bukiji+ ne kutumbijikwa, byonka byo mubena kwibitumbijika, 2 ne kuba’mba tukapokololwe ku bantu batama kabiji babi,+ mambo kechi bantu bonse baji na lwitabilo ne.+ 3 Bino Nkambo ye wa kishinka kabiji ukemukosesha ne kwimuzhikijila kwi aye mubi. 4 Kabiji twaketekela mwi Nkambo pa mambo a anweba amba, mubena kulondela mikambizho yetu, kabiji mukatwajijila kwiilondela. 5 Nkambo atwajijile kutangijila michima yenu kuba’mba mutemwenga Lesa+ ne kuchinchika+ na mambo a Kilishitu.
6 Pano anweba balongo bami, tubena kwimupa mikambizho mu jizhina ja Nkambo yetu Yesu Kilishitu, kuba’mba mwabane na mulongo yense wenda kyendeende+ kabiji ubula kulondela mafunjisho anweba* o mwafunjile kwi atweba.+ 7 Mambo anweba bene mwayuka byo mwafwainwa kwitulondela,+ mambo kechi twaendelenga kyendeende byo twajinga nenu ne, 8 kabiji kechi twajiilepo kajo ka muntu nangwa umo katutu* ne.+ Bino twaingijilenga na ngovu ne kwibikishako bufuku ne mute kuchina’mba twakakatazha muntu nangwa umo.+ 9 Kechi na mambo a kuba’mba luusa tufwalo ne,+ bino ke na mambo a kuba twakebelenga kwikala ba kumwenako anweba kuba’mba mwitulondelenga.+ 10 Kabiji byo twajinga nenu, twimukambizhanga’mba: “Umvwe muntu wakana kwingila, kange mumuleke aje ne.”+ 11 Mambo tubena kumvwa’mba bamo mwi anweba babena kwenda kyendeende+ kabiji kechi babena kwingila ne, bino babena kwibika mu mambo a bakwabo.+ 12 Bantu ba uno mutundu, twibakambizha ne kwibafunda mwi Nkambo Yesu Kilishitu amba, bengilenga saka bazhindama ne kuja kajo kabo bene.+
13 Pakuba anweba balongo bami, kange muleke kuba kintu kyawama ne. 14 Bino umvwe muntu wabula kukookela byambo byetu biji mu ino nkalata, mumulabijile ne kuleka kupwanañana nanji,+ pa kuba’mba kimulenge bumvu. 15 Pano bino, kange mumumonenga nobe mulwanyi ne, bino saka mumufunda+ byo aji mulongo.
16 Pano aye Nkambo wa mutende emupenga mutende mu bintu byonse.+ Nkambo ekale ne anweba bonse.
17 Amiwa Paulo yami nanemba luno lwimu na kuboko kwami,+ ko kayukilo ka mu makalata onse; bino byo byo nnemba.
18 Lusa lukatampe lwa Nkambo yetu Yesu Kilishitu lwikale pe anweba bonse.