Mika

5 “Pano ubena kwichibaula obe mwine,

Obewa mwana wa mukazhi ye balukuka;

Betuzhokoloka.+

 2 Kabiji obewa, Betelema Efulata,+

Wakepesha pa biumbi* bya mu Yuda,

Mwi obewa mo mukafuma ukekala kalama mu Isalela,+

Ntendekelo yanji ya kala kene, kufumatu ku moba a kala.

 3 Onkao mambo, Lesa ukebakana

Kufikatu ne kimye awa ubena kusema kyo akasema.

 4 Aye ukemana ne kufunga mu bulume bwa Yehoba,+

Ne mu buneme bwa jizhina ja Yehoba Lesa wanji.

Kabiji bakekala mu mutende,+

Mambo bukata bwanji bukafika kwapela ntanda.+

Inge mwina Asilya akalukuke kyalo kyetu ne kunyantaula byamba byetu byakosa,+

Tukamwimenya bakafunga batanu na babiji, ee, babinemanga* batanu na basatu ba bantu.

 6 Bakafunga kyalo kya Asilya na mpoko,+

Ne kyalo kya Nimalode+ ku bibelo byakyo.

Kabiji aye uketupokolola ku mwina Asilya,+

Kimye kyo akalukuka kyalo kyetu ne kunyantaula nyaunda yetu.

 7 Bashalapo ba kwa Yakoba bakekala mukachi ka mitundu ya bantu

Nobe kime kyafuma kwi Yehoba,

Nobe mvula umima pa nsono

Mambo kechi baketekela mu muntu

Nangwa kupembelela baana ba bantu ne.

 8 Bashalapo ba kwa Yakoba bakekala mu bisaka bya bantu,

Mukachi ka mitundu ya bantu yavula,

Nobe bokwe uji pa banyama ba mungye,

Nobe mwana bokwe uji pa jitanga ja mikooko,

Upita monka ne kwiikwata ne kwiitabaula;

Kabiji kafwako wiipokolola ne.

 9 Kuboko kobe kukashinda balwanyi bobe,

Kabiji balwanyi bobe bonse bakonaika.”

10 Yehoba waamba’mba, “Pa joja juba,

Nkonauna bambili bobe bo uji nabo ne makalaki obe nkeonauna.

11 Nkonauna mizhi ya mu kyalo kyobe

Ne kukundaula mapunzha obe onse akosa.

12 Nkakulekesha kuba bulozhi,

Kabiji kafwako nangwa umo upanda manga ukashala mwi obewa ne.+

13 Nkonauna bipashañano byobe bya kusonga ne mashiki o uji nao,

Kabiji kechi ukafukamina jibiji mingilo ya maboko obe ne.+

14 Nkebitupaula bichi byobe bya milumbulumbu byazhila*+ biji mukachi kobe

Ne konauna mizhi yobe.

15 Na bukaji kabiji saka nazhingila nkashinkanya

Na bisaka bya bantu byabula kukookela.”