Masalamo

65 Anweba Lesa, kutotwa kubena kwimupembelela mu Ziona;+

Tukafikizha bintu byo twachipile kwi anweba.+

 3 Bubi bwami bwamvujila,+

Bino anweba muvweta pa mizhilulwila yetu.+

 4 Ye mwine wa lusekelo ye musala ne kumuleta kwipi

Kuba’mba ekale mu bipango byenu.+

Tukatondwa na bintu byawama bya mu nzubo yenu,+

Nzubo yenu yazhila.+

 5 Anweba muketukumbula na mingilo ya kukumya ya bololoke,+

Anweba Lesa wa lupulukilo lwetu;

Anweba yenu baketekela bonse baji konse kwapela ntanda+

Ne boba baji kwalepa ku bushiya bwa kalunga ka mema.

 6 Anweba* mwaikajikile mitumba na bulume bwenu;

Anweba* muji na bulume bukatampe.+

 7 Anweba* muzhindamikapo tulunga twa mema tupoota,+

Kwipuma kwa manyaki ato ne kyungye kya bisaka bya bantu.+

 8 Bantu bekala kwalepa bakoba moyo na mambo a biyukilo byenu;+

Mukalengela bekala kuselela juba kufika ne ko jizhikila kwimba na lusekelo.

 9 Mulama bulongo ntanda,

Ne kwiilengela kumenesha* bintu byavula byawama.+

Lesa wayuzha mikola na mema;

Mwibapa kajo,+

Mambo bino byo byo mwiilengele ntanda.

10 Muyuzha mema mu tunkololongwa ne kwesakanya mushiji* ye bajimapo;

Mumunekenesha na mvula; mupesha bijimwa bimenamo.+

11 Mwalengela mwaka kwikala na bintu byawama uba nobe mwamuvwika munchinya;

Mu mashinda enu mupomoka bintu byavula.*+

12 Munyemvu wa mu kiselebwa utwajijila kunoka mema,+

Ne tutumbatumba mwituvwika lusekelo.+

13 Pa munyemvu pakumbana matanga,

Ne mu bimpachiko* mwavula kajo.+