Masalamo
Lwimbo wa kwa Davida.
141 Anweba Yehoba, nemwita.+
Iyai bukiji munkwashe.+
Ntelekai inge nemwita.+
2 Lulombelo lwami lwikale nobe bya kufutumuna+ byo bemunengezhezha,+
Ne maboko ami o nasuntula ekale nobe mulambo wa kajo wa mabanga.+
3 Anweba Yehoba, nkwashai kulama kanwa kami,
Nkwashai kulama byatunwa byami.+
4 Kange muleke muchima wami ate maana ku bintu byatama,+
Ne kwivwanga mu byubilo byatama bya bantu babi ne;
Kechi mundeke njiile nabo pamo kajo kabo kawama ne.
5 Umvwe muntu waoloka wampuma, kikamwesha butemwe bubula kwaluka;+
Umvwe wankajipila, kikekala nobe manyi o bashinga pa mutwe wami,+
O nkabula kukana.+
Nkatwajijila kulomba nangwatu mu kimye kya bya malwa byabo.
6 Nangwa kya kuba bamitonyi babo bebashinjikila munshi kufuma peulu,
Bantu bakata muchima ku byambo byami, mambo byawama.
7 Byonkatu muntu byo asengela ne kupumununa maloba,
Ne bikupa byetu byo byo byasalañena mu kanwa ka Kilende.*
8 Nangwa byonkabyo, naketekela mwi anweba Nkambo Mfumu Yehoba.+
Mwi anweba mo mo nafyama.
Kange musende bumi bwami* ne.
9 Nzhikijilai ku kakose ko banta,
Ne ku bitewa bya bangubabibi.
10 Babi byo bakafwa mu makonde abo bene+
Amiwa nkapita kwa kubula kufwamo.