Masalamo
BUKU WA BUSATU
Lwimbo wa kwa Asafwa.+
73 Kine, Lesa wawama ku bena Isalela, bonka batoka michima.+
2 Pakuba amiwa, maulu ami ashi akasenduke;
Maulu ami ashi akatezhimuke.+
5 Kechi bekala na makatazho byonka biji bantu bakwabo,+
Nangwa kuyanda byonka biyanda bantu bakwabo ne.+
6 Onkao mambo, kwilundumika bo bupela bwabo bwa mu nshingo;+
Bavwala bukapondo nobe kivwalo.
7 Bunonshi* bwabo bulengela meso abo kusamuka;
Baji na bintu byavula kukila ne byafwanyikizhenga michima yabo.
8 Bendeleka ne kwamba bintu byatama.+
Mu bwitote bamba byambo bya kukeba kumanyika bakwabo.+
9 Bamba nobe bekala mwiulu,
Ne njimi yabo ipitañana na kwitota pano pa ntanda.
10 Onkao mambo, bantu banji balulukila kwi abo,
Kabiji batoma mema abo avula.
11 Bamba’mba: “Lesa wayuka byepi?+
Nanchi kine Mwine Wakila wayuka bino bintu nyi?”
12 Kine, bano bo babi babula kuyanda.+
Bunonshi bwabo buvujilakotu.+
13 Kine, natokeshe muchima wami kyatutu
Ne kowa ku maboko ami kyatutu kumwesha’mba mambo mfwao.+
16 Byo nakebelenga kuyuka mo byatala,
Kyankatezhenga bingi
17 Posotu byo natwelele mu nzubo yazhila ya Lesa,
Popo nayukile biji bwikalo bwabo bwa kulutwe.
18 Kine, mwibabika pa mushiji watezhima.+
Mwibalengela kupona ne konaika.+
19 Byo baonaikapo bukiji!+
Byo bavilapo bukiji ne konaika kyatama!
20 Anweba Yehoba, byonkatu bikala kiloto inge muntu wapapuka,
Byo mukemana, mukebazhimañanya.*
22 Kechi najinga na maana ne milangwe ne;
Najinga nobe nyama wabula maana ku meso enu.
25 Ñanyi ye nji nanji mwiulu?
Kabiji pano pa ntanda kafwako kintu kyo nkebesha kyakila anweba ne.+
26 Mubiji ne muchima wami byakonsha kukooka,
Bino Lesa ye jibwe ja muchima wami kabiji kyo bangabilapo myaka ne myaka.+
27 Kine, aba befungila kwalepa ne anweba bakavila.
Mukepaya* muntu yense wimusatukila na mambo a kubula bukishinka.+
28 Pakuba amiwa, kyangwamina kufwenya kwipi ne Lesa.+
Naalula Nkambo Mfumu Yehoba kwikala kya kufyamamo kyami,
Kuba’mba nkambenga pa mingilo yanji yonse.+