Masalamo

132 Anweba Yehoba, muvulukai Davida

Ne kumanama kwanji konse;+

 2 Byo achipile kwi Yehoba,

Ne byo achipile kwi Lesa wa Bulume, Lesa wa Yakoba amba:+

Kechi nkalaala pa mwanya wami ne;

 4 Kechi nkaswisha meso ami kwikala na tulo,

Nangwa bikope byami kukunuka ne

 5 Poso nkamwene Yehoba mpunzha pa kwikala,

Mwa kwikala* mwawama mwa Lesa wa Bulume, Lesa wa Yakoba.”+

 6 Talai! Twikyumvwine mu Efulata;+

Twikitaaine mu majimi a mungye.+

 7 Twayai tutwele mwanji mwa kwikala;*+

Twayai tufukame ku kyo anyantapo maulu anji.+

 8 Anweba Yehoba, imanai mutwele mu mpunzha yenu mwa kukokolokela,+

Anweba ne Jikwachi jimwesha bulume bwenu.+

 9 Bañanga benu bavwale bololoke,

Ne bantu benu ba kishinka bembe na lusekelo.

10 Na mambo a kalume wenu Davida,

Kange mukane* mushingwa wenu ne.+

11 Yehoba wachipile kwi Davida;

Kine, kechi ukabula kufikizha kyo achipile ne, wachipile’mba:

“Umo wa mu baana* bobe

Nkamwikazha pa jitanda jobe.+

12 Umvwe baana bobe bakalame lulayañano lwami

Ne bya kuvululako byami byo nebafunjisha,+

Ne baana babo nabo

Bakekala pa jitanda jobe myaka ne myaka.”+

13 Mambo Yehoba wasala Ziona;+

Wakebesha bingi mpunzha yanji ya kwikalamo,+ ne kwamba’mba:

14 “Ino yo mpunzha yami ya kukokolokelamo myaka ne myaka;

Amuno mo mo nkekalanga,+ mambo mo mo nakeba.

15 Nkamupesha kwikalanga na kajo kavula;

Nkalengela bayanji bekalamo kwikuta na kajo.+

16 Nkavwika bañanga bekalamo na lupulukilo,+

Ne bantu banji ba kishinka bakembanga na lusekelo.+

18 Balwanyi banji nkebalengesha bumvu,

Bino munchinya* uji ku mutwe wanji ukabembelanga.”+