Masalamo
Kwi ntangi. Lwimbo.
66 Mwimbilai Lesa na lusekelo, anweba bonse baji pano pa ntanda.+
2 Imbai nyimbo ya kutota jizhina janji ja lukumo.
Mutumbijikai ne kumutota.+
3 Mwambilai Lesa amba: “Mingilo yenu byo ilengapo moyo!+
Na mambo a bulume bwenu bukatampe,
Balwanyi benu bakeya kwi anweba saka bazakama.+
4 Bonse pano pa ntanda bakemufukamina;+
Bakemba nyimbo ya kwimutota;
Bakembanga nyimbo ya kutota jizhina jenu.”+ (Selah)
5 Iyai mumone mingilo ya Lesa.
Mingilo yo aubila baana ba bantu yo ya kukumya.+
Konkakwa twasekejile mwi aye.+
7 Ulama myaka ne myaka+ mu bulume bwanji.
Meso anji atalatala bisaka bya bantu.+
Aba betota kechi bafwainwa kwitumbijika ne.+ (Selah)
8 Anweba mitundu ya bantu, mutotai Lesa wetu,+
Ne jiwi ja kumutota jumvwanyike.
10 Mambo mwitupimapima, anweba Lesa;+
Mwitutubula byonkatu byo batubula siliva.
11 Mwitubikile mu bukonde;
Mwitutwikile* bisendwa byanema.
12 Mwalengejile muntu ufwa kwitunyantaula;*
Twapichile mu mujilo ne mu mema;
Kepo mwituletele mu mpunzha mwa kukokolokela.
13 Nkeya mu nzubo yenu na milambo yonse ya kusoka;+
Nkafikizha bintu byo nachipile kwi anweba+
14 Byonka byalayile byatunwa byami+
Ne byaambile kanwa kami byo najinga mu bya malwa.
15 Nkalambula kwi anweba milambo ya kusoka ya banyama banuna
Ne bwishi bwa bitapisho bya mikooko ilume.
Nkalambula bañombe balume ne bambuzhi balume. (Selah)
17 Namwichile na kanwa kami
Kabiji namutumbijikile na lujimi wami.
18 Umvwe nalamine bintu byatama mu muchima wami,
Yehoba inge kechi wañumvwine ne.+
20 Atotwe Lesa, yenka wabujile kukana kumvwa lulombelo lwami
Nangwa kubula kummwesha butemwe bwanji bubula kwaluka.