Masalamo
Kwi ntangi; kwimba na bijimba bya mizhinge. Lwimbo wa kwa Asafwa.+ Lwimbo.
3 Amwa, mo mo achimawijile miketo ya mujilo ya buta bwa mukanda,
Jikebo ne mpoko ne bilwilo bya nkondo.+ (Selah)
4 Anweba musama;*
Mwi ba lukumo kukila mitumba kwikala banyama ba mungye.
5 Aba bachinchika bebapukula bintu.+
Balaala tulo;
Babilobo bonse bulume bwibapwile.+
6 Byo mwibakajipijile, anweba Lesa wa Yakoba,
Awa wenda pa kalaki ne mbili, bonse balaajile tulo.+
7 Yenu yenka bunke bwenu mulenga moyo.+
Ñanyi wakonsha kwimana kwi anweba umvwe mwazhingila?+
8 Mwachibile mambo saka muji mwiulu;+
Ntanda yaubile moyo kabiji yazhindaminetu nzoo+
9 Lesa byo aimene na kuchiba mambo,
Kuba’mba apulushe bonse bakimote ba pano pa ntanda.+ (Selah)
10 Bukaji bwa muntu bukalengela kwimutota;+
Kabiji mukavwala lukumo na mambo a bukaji bwabo bukapelako.
11 Chipai kwi Yehoba Lesa wenu ne kufikizha byo mwachipa,+
Aba bonse bamuzhokoloka balete bupe bwabo na kumwakamwa.+
12 Aye ukapelula bantangi betota;*
Ulengela bamfumu ba pano pa ntanda kwikala na moyo.