Yoba
10 “Nashikwa kwikala na bumi.+
Nsakwamba bintu bibena kunkatazha ku muchima wami.
Nsakwibyamba na mambo a bya malwa byami!*
2 Nsakwambila Lesa namba: ‘Kange munzhachishe ne.
Mbuulai ene mambo o mubena kunkatezha.
3 Nanchi mumwenamo byawama mu kumanyika,
Ne kulengulula mingilo ya maboko enu+
Byo muta muchima ku byamba bantu babi nyi?
4 Nanchi anweba muji na meso nobe a bantu,
Nangwa nanchi mumona byonka bimona muntu ufwa nyi?
5 Nanchi moba enu aji nobe moba a muntu ufwa,
Nangwa myaka yenu iji nobe ya muntu nyi?+
6 Kya kuba’mba mukebekebenga mambo ami
Ne kupalanguzha’mba mumone bubi bwami nyi?+
7 Mwayuka’mba kechi nazhatwa ne;+
Kabiji kafwako nangwa umo wakonsha kumpokolola mu kuboko kwenu ne.+
8 Maboko enu o ambumbile ne kundenga,+
Bino mukañonaunatu pelu.
10 Nanchi anweba kechi mwangitulwile nobe mukaka
Ne kunchimbisha nobe kibeele nenyi?
11 Mwamvwikile kikoba ne misunyi,
Ne kunnungakanya na bikupa ne mishipeshipe.+
12 Mwampa bumi ne kummwesha butemwe bubula kwaluka;
Mwazhikijila bumi bwami na mambo a kunta muchima.+
13 Bino mwakebelenga kuba bino bintu mu bufyamfya.*
Nayuka namba bino bintu byafuma kwi anweba.
14 Umvwe nalenga mambo, mwakonsha kummona,+
Kabiji kechi mukandekelako mambo ami ne.
15 Umvwe nazhatwa, kyantamina!
16 Umvwe nainuka, mukakebanga kunkwata byonka byuba bokwe+
Ne kummwesha jibiji bulume bwenu.
17 Mukaleta bakamonyi bakatataka bakunshinawina
Ne kunzhingijila bingi,
Bya malwa byami byo bibena kuvujilakotu.
18 Pano mambo ka o mwamfumishe munda?+
Mambo inge nafwile kwa kubula nangwa jiso jimo kummonapo.
19 Inge kyajingatu nobe kechi najingako ne;
Inge nafuminetu munda ne kupitayila ku kilende.’