Yoba
19 Kabiji Yoba wakumbwile’mba:
4 Inge kine natamisha,
Bubi bwami buji pe amiwa.
5 Umvwe mutwajijiletu na kwitumbijikila pe amiwa,
Ne kwamba pa bintu byatama byamfikila amba bijitu bulongo,
6 Yukai’mba Lesa ye wantwala mungi,
Kabiji wangalula mu bukonde bwanji.
7 Umvwai! Amiwa mbena kubijika namba, ‘Bukapondo!’ bino kafwako ubena kungitaba ne;+
Mbena kubijika namba bankwasheko, bino kafwako wa kunchibila mambo mo aolokela ne.+
8 Mu jishinda jami washinkamo lubumbulu ye bashimika na mabwe, kabiji nakankalwa kupita;
Mashinda ami wiavweta mfishi.+
9 Wañangata lukumo lwami
Kabiji wamvuula munchinya ku mutwe wami.
10 Wammokaula monse monse posotu ne byo naonaika;
Luketekelo lwami wiluzhuula nobe kichi.
11 Wambuukila bukaji,
Kabiji amiwa ummona nobe mulwanyi wanji.+
12 Mazhita anji akonkana pamo ne kunzhokoloka,
Kabiji bataya tente wami mu kañumbwañumbwa.
13 Balongo bami wibapangila kwalepa kufuma kwi amiwa,
Ne boba bangyuka bangalukamo.+
15 Benyi baji mu nzubo yami+ ne bazha bami ba bakazhi bammonatu nobe nemwenyi;
Bammona nobe muntu wafuma ku kyalo kingi.
16 Ngita kalume wami, bino aye kechi ungitaba ne;
Na kanwa kami namusashijila namba angubile lusa.
17 Muya wami waaluka ke kintu kya bunya ku mukazhami,+
Kabiji naikala nobe kintu kibena kununka ku balongo bami.*
18 Nangwatu banyike nabo bandengulula;
Inge naimana batatula kuñendeleka.
21 Ngubilai lusa, anweba balunda nami, ngubilai lusa,
Mambo Lesa wampuma.+
23 Nanchi byambo byami inge byanembelwe,
Nanchi inge bebinembele mu buku!
24 Nanchi inge bebinembele kya kukololola pa jibwe,
Na kya kunembelako kya kyela kya kapotwe ne kyumbu!
26 Nangwa kya kuba kikoba kyami kyaonaika,
Bino byo nkiji na mubiji, nkamumona Lesa.
27 Yenka ye nkemwena,
Yenka ye nkamona na meso ami, kechi na meso a muntu mukwabo ne.+
Bino mu muchima kyampezha maana!*
28 Mambo anweba mwamba’mba, ‘Mu ñanyi jishinda mo tubena kumumanyikila?’+
Mambo yami naleta lukatazho.