Masalamo
Lwimbo wa kwa Davida.
143 Anweba Yehoba, umvwai lulombelo lwami;+
Telekai ku misashijilo yami ya kukeba bukwasho.
Mu bukishinka bwenu ne mu bololoke bwenu, nkumbulai.
2 Kange mutwale kalume wenu mu kije ne,
Mambo kafwako muntu nangwa umo mumi wakonsha kwikala waoloka kwi anweba ne.+
3 Mambo mulwanyi umpangisha;*
Wachinchimikila bumi bwami panshi.
Wandengela kwikala mu mfishi nobe boba bafwile kala.
5 Navuluka moba a kala;
Ndanguluka languluka pa mingilo yenu yonse;+
Ndangulukapo bingi pa* mingilo ya maboko enu.
8 Lukelo, ndengelai kumvwa butemwe bwenu bubula kwaluka,
Mambo naketekela mwi anweba.
9 Anweba Yehoba, mpokololai ku balwanyi bami.
Nzhikijilai.+
10 Mfunjishai kuba kyaswa muchima wenu,+
Mambo mwi Lesa wami.
Mupashi wenu wawama;
Antangijile pa mushiji waesakana.*
11 Anweba Yehoba, na mambo a jizhina jenu, ndamai na bumi.