Masalamo
Kwi ntangi. Salamo wa Davida, kalume wa Yehoba.
36 Mizhilulwila yamba monka mwine mukachi ka muchima wa muntu mubi;
Aye kechi wakamwa Lesa ne.+
2 Mambo wiambila mwine byambo bya mulambisha
Kya kuba ukankalwa kuyuka ne kushikwa bubi bwanji.+
3 Byambo bya mu kanwa kanji byatama kabiji bya bujimbijimbi;
Kechi umwesha milangwe mu kuba bintu byawama ne.
4 Ulanguluka kuba bintu byatama nangwatu inge uji pa mwanya wanji.
Wenda mu jishinda jatama;
Kabiji kechi ukana bintu byatama ne.
5 Anweba Yehoba, butemwe bwenu bubula kwaluka bwafika mwiulu,+
Ne bukishinka bwenu bwafika mu makumbi.
6 Bololoke bwenu buji nobe mitumba* ikatampe;+
Bunchibamambo bwenu bwazhika nobe mema aji panshi pene.+
Anweba Yehoba, mulama* bantu ne banyama.+
7 Anweba Lesa, butemwe bwenu bubula kwaluka+ byo bwawamapo!
Mu kimfutele kya byapi byenu, Baana ba bantu mo mo bafyama.+
8 Batoma bintu byawama* biji mu nzubo yenu ne kwikuta,+
Kabiji mwibalengela kutoma mu kakola kenu kaji na bintu byawama.+
10 Twajijilai kumwesha butemwe bwenu bubula kwaluka ku boba bemuyuka,+
Ne kumwesha bololoke bwenu ku baoloka michima.+
11 Kange muleke kulu kwa muntu wilundumika kunnyantaule
Nangwa kuboko kwa muntu mubi kumpange ne.
12 Bantu boba byatama bapona;
Bebanyakwila panshi kabiji kechi bakonsha kubuukapo ne.+