Masalamo
Lulombelo lwa muntu wamanama kimye kyo aji na bijikila* ne kubuula Yehoba biji ku muchima wanji.+
2 Kange mumfye kilungi kyenu kimye kyo nji mu bya malwa ne.+
3 Mambo moba ami abena kuzhimañanatu nobe bwishi,
Ne bikupa byami byapyatu nobe pa kyoto.+
4 Muchima wami waleela nobe nsono kabiji wauma,+
Mambo ndubako kuja kajo kami.
6 Naikalatu nobe pelekanyi mu kiselebwa;
Njitu nobe kapwa kakacheche kaji mu masala.
8 Balwanyi bami bañendeleka kimye kyonse.+
Aba banseka* bengijisha jizhina jami kufingañenako.
9 Mambo nja buto nobe kajo,+
Ne bya kutoma byami byavwangakana na mipolo,+
10 Na mambo a bukaji bwenu ne kuzhingila kwenu,
Mwanshikwile ne kuntaya.
13 Kine, mukemana ne kumumwesha lusa Ziona,+
Mambo kyo kimye kya kumubila bibusa byenu;+
Kimye kyatongolwa kyafika.+
15 Bisaka bya bantu bikakamwa jizhina ja Yehoba,
Ne bamfumu bonse ba pano pa ntanda bakakamwa lukumo lwenu.+
19 Mambo aye byo aji mwanji mwazhila mwiulu utala panshi,+
Yehoba utala pano pa ntanda saka aji mwiulu,
20 Kuba’mba omvwe kubinza kwa bantu bo bakwata,+
Ne kukasulula boba bo bachibila mambo amba bafwe,+
21 Pa kuba’mba jizhina ja Yehoba bakejitele mu Ziona+
Ne kutotwa kwanji mu Yelusalema,
22 Mitundu ya bantu ne bufumu
Byo bakakonkana pamo na kwingijila Yehoba.+
23 Aye wapwishishe bulume bwami bukiji;
Wakepeshe moba ami.
24 Naambile namba: “Anweba Lesa wami,
Kange muchibikizhe bumi bwami pakachi ne,
Anweba muji na myaka yakila bisemi byonse.+
25 Kala kene mwaajile bitendekesho bya ntanda,
Kabiji jiulu ye mwingilo wa maboko enu.+
26 Abyo bikonaika, pakuba anweba mukekalanga myaka ne myaka;
Bonse bakonaika byonkatu byonaika kivwalo.
Byonkatu kivwalo kyafwa byo bekipingizhapo na kikwabo, ne abo bakafwa.
27 Pakuba anweba mujitu byonka byo mwajinga kala, ne myaka yenu kechi ikapwa ne.+
28 Baana ba bakalume benu bakekala mu mutende,
Ne baana babo bakatwajijila kwikala bulongo kwi anweba.”+