Masalamo

144 Atotwe Yehoba, Jibwe jami,+

Yenka ufunjisha maboko ami

Ne minwe yami bya kulwa nkondo.+

 2 Aye ye butemwe bwami bubula kwaluka kabiji nsakwa yami yakosa,

Kya kufyamamo* kyami kyakosa kabiji mupokolweshi wami,

Jikebo jami kabiji mwi aye mo mo mfyama,+

Yenka unshinjilako mitundu ya bantu.+

 3 Anweba Yehoba, nanchi muntu ye ñanyi kya kuba’mba mumuvulukenga,

Ne mwana muntu ufwa kya kuba’mba mumute muchima?+

 4 Muntu ujitu nobe muya;+

Moba anji apitatu nobe kimvule.+

 5 Anweba Yehoba, bwezhai* jiulu jenu panshi kuba’mba mwikile;+

Kwatai pa mitumba ne kwiilengela kufutumuka bwishi.+

 6 Tumai kubesha kwa mvula ne kupalañanya balwanyi;+

Tayai miketo yenu ne kwibavulañanya.+

 7 Tanyikai kuboko kwenu kufuma mwiulu;

Mpokololai ne kumpulusha ku mema apoota,

Ku kuboko kwa bantu bafuma ku kyalo kingi,+

 8 Bonka baji na byatunwa byamba bubela

Kabiji bonka basuntula maboko abo a kilujo na kuchipa bubela.

Nkemba nyimbo ya kwimutota, na kijimba kya mizhinge jikumi,

10 Yenka anweba mulengela bamfumu kushinda,*+

Yenka anweba mupokolola kalume wenu aye Davida ku mpoko ipayañana.+

11 Mpokololai ne kumpulusha ku maboko a bantu bafuma mu kyalo kingi,

Bonka baji na byatunwa byamba bubela

Kabiji bonka basuntula maboko abo a kilujo ne kuchipa bubela.

12 Kepo baana betu ba balume bakekala nobe bichi bikoma bukiji,

Kabiji baana betu ba bakazhi bakekala nobe mashiki o basonga a pa makonka a kipango.

13 Matala etu akayula na kajo kapusana pusana;

Matanga etu aji mungye akasemununa biumbi, ne biumbi makumi.

14 Bañombe betu baimita, kechi bakapulumuna ne;

Kechi kukekala kujila na mambo a bya malwa mu mabanza etu ne.