Masalamo
Salamo wa Davida. Masikila.*
32 Ye wa lusekelo awa ye balekelako mizhilulwila, kabiji ye bavwetela* pa mambo anji.+
2 Ye wa lusekelo muntu ye babula kuzhachisha kwi Yehoba,+
Yenka wabula muchima wa bujimbijimbi.
3 Byo nazhindaminepo, bikupa byami byakookele na mambo a kubinza kimye kyonse.+
4 Mute ne bufuku, kuboko* kwenu kwannemejile.+
Bulume bwami bwapwile byonka byuma* mema na mambo a kyuya mu kimye kya kisalo. (Selah)
Naambile namba: “Nsakusolola mizhilulwila yami kwi Yehoba.”+
Ne anweba mwandekejileko mambo ami.+ (Selah)
Ne muyulo kechi ukandobesha ne.
7 Anweba yenu mpunzha yami ya kufyamamo;
Mukanzhikijila ku bya malwa.+
Mukanzhokolosha na nyimbo ya lusekelo byo mukampokolola.+ (Selah)
8 Anweba mwaambile’mba, “nkakupa milangwe ne kukufunjisha jishinda jo wafwainwa kuyamo.+
Nkakubuula bya kuba saka nkutala.+
9 Kange wikale nobe mbili nangwa myule, wabula maana ne,+
Ye balululatu na ntambo
Saka akyangye kwiya kwipi ne obewa.”
10 Mubi umona bya malwa byavula;
Pakuba awa waketekela mwi Yehoba bamuzhokoloka ku butemwe bwanji bubula kwaluka.+
11 Anweba baoloka, sekelainga ne kusangalela mwi Yehoba;
Bijikainga na lusekelo anweba mwaoloka michima.