Byambo bya Maana
3 Mwanami, kange uvulame byo mbena kukufunjisha* ne,
Kabiji ulame mikambizho yami na muchima wobe yense,
2 Mambo bikakulengela kwikala moba avula
Ne myaka yavula ya bumi ne mutende.+
3 Kange uleke kumwesha butemwe bubula kwaluka ne bukishinka* ne.+
Wibikase mu nshingo yobe;
Wibinembe pa muchima wobe;+
4 Kepo bakakunemeka ne kukumona’mba uji na maana
Kwi Lesa ne ku bantu.+
7 Kange wimonenga’mba wi wa maana ne.+
Akamwa Yehoba ne kufuma ku bintu byatama.
8 Kuba bino kukabuka mubiji* wobe
Ne kukosesha bikupa byobe.
9 Nemeka Yehoba na bintu byawamisha byo uji nabyo,+
Ne na bya nsomo* bya kajo kobe konse;*+
10 Matala obe po po akayulatu paa,+
Ne bya kufiinamo binyu byobe bikayulatu tee na binyu bya katataka.
11 Mwanami, kange ulengulule mafunde a Yehoba ne,+
Kabiji kange ushikwe byo akololako ne,+
12 Mambo Yehoba ololako bantu bo atemwa,+
Byonkatu shanji byo oba na mwananji ye atemwa.+
13 Ye mwine wa lusekelo muntu utaana maana+
Ne muntu utambula milangwe;
14 Kutaana maana kwawama kukila kutaana siliva,
Kabiji kwikala nao kwanema kukila kwikala na ngolode.+
15 Anema kukila makolale;*
Kafwako kintu kyo ukeba kyakonsha kwesakana nao ne.
16 Myaka yavula ya bumi bwa muntu iji mu kuboko kwao kwa kilujo;
Bunonshi ne lukumo biji mu kuboko kwao kwa kipiko.
17 Mikwakwa yao yawama,
Ne mashinda ao onse o a mutende.+
18 Maana aikala ke kichi kya bumi ku boba bealama,
Kabiji aba bealama bakekala ba lusekelo.+
19 Yehoba waingijishe maana pa kulenga ntanda.+
Kabiji waingijishe milangwe pa kwikajika jiulu.+
20 Waingijishe bintu byo ayuka pa kwabanya mema avula
Ne makumbi anokeshe mvula.+
Lama maana alumbuluka ne maana a kupima bintu;
22 Bikalengela obewa* kwikala na bumi
Kabiji bikekala nobe kintu kyawama kyo wavwala mu nshingo;
23 Kepo ukendanga mu mashinda obe mu mutende,
28 Kange wambile mukwenu amba, “Yanga; ukabwele kimye kikwabo! Nkakupa kesha,”
Inge wakonsha kumupa ponkapotu ne.
29 Kange ulanguluke kuba mukwenu kyatama+
Ye wikala nanji wakuketekela ne.
31 Kange ukumbwe muntu washinta+
Nangwa kulondela mashinda anji ne,
32 Mambo Yehoba washikwa muntu wa bujimbijimbi,+
Pakuba aba baoloka bo balunda nanji ba pa muchima.+
35 Ba maana bakatumbijikwa,
Pakuba bakosama batumbijikako byubilo bya kwilengulwisha.+