Masalamo

119 Bo bene ba lusekelo babula kaneneno* mu bintu byo boba,

Aba benda mu mizhilo ya Yehoba.+

 2 Bo bene ba lusekelo balondela bya kuvululako byanji,+

Aba bamukeba na muchima wabo yense.+

 3 Kechi boba bintu byabula koloka ne;

Benda mu mashinda anji.+

 4 Anweba mwakambizha’mba,

Balamenga mikambizho yenu.+

 5 Nanchi inge natwajijila kwikala washikimanatu*+

Pa kuba’mba ndamenga malamuna enu!

 6 Po po kikabula kundenga bumvu+

Inge nalondela mikambizho yenu yonse.

 7 Nkemutota na muchima waoloka

Byo nkafunda pa mizhilo yenu yaoloka.

 11 Nanemeka byambo byenu mu muchima wami+

Pa kuba’mba mbule kwimulenga mambo.+

 12 Mutotwe, anweba Yehoba;

Mfunjishai malamuna enu.

 13 Na byatunwa byami ñamba

Pa mizhilo yonse yo mwaamba.

 14 Nsekela mu bya kuvululako byenu+

Kukila bintu byonse byawamisha.+

 15 Nkalanguluka langulukanga pa* mikambizho yenu+

Ne kuta muchima pa mashinda enu.+

 17 Ngubilai lusa amiwa kalume wenu,

Pa kuba’mba ngikale na bumi ne kulama byambo byenu.+

 18 Ndabishai meso kuba’mba mmone bulongo

Bintu byawama biji mu mizhilo yenu.

 20 Amiwa* nkebesha bingi

Mizhilo yenu kimye kyonse.

 21 Anweba mukajipila betota,

Bonka bafingwa basenduka mu mikambizho yenu.+

 22 Fumyai pe amiwa* mwenga ne milengulwila,

Mambo nalama bya kuvululako byenu.

 23 Nangwa kya kuba babinemanga bekonkanya pamo ne kuñambila byatama,

Kalume wenu ulanguluka languluka pa* malamuna enu.

 24 Natemwa bingi bya kuvululako byenu;+

Byo bimpa maana.+

 26 Nemubuujile mashinda ami, ne anweba mwankumbwile;

Mfunjishai malamuna enu.+

 27 Nkwashai ngyuke mwatala* mikambizho yenu,

Pa kuba’mba ndanguluke langulukenga pa* mingilo yenu ya kukumya.+

 29 Fumyai kwi amiwa jishinda ja bujimbijimbi,+

Kabiji mumpe mizhilo yenu.

 32 Nkakookelanga* na muchima yense mikambizho yenu

Mambo mwandengela kuyuka bintu byavula.*

 33 Anweba Yehoba, mfunjishai+ jishinda ja malamuna enu,

Ne amiwa nkejilondela kufika ne ko jakapelela.+

 34 Mpai milangwe,

Kuba’mba ndondelenga mizhilo yenu

Ne kwiilama na muchima wami yense.

 35 Ntangijilai* mu jishinda ja mikambizho yenu,+

Mambo mo mo mmwena lusekelo.

 36 Nkwashai nteshe muchima ku bya kuvululako byenu,

Kechi ku kukebatu bintu byami ne.*+

 37 Kanyai meso ami kutala ku bintu byatutu;+

Ndengelai kwenda mu jishinda jenu pa kuba’mba ngikale na bumi.

 38 Fikizhai byo mwalayile* kalume wenu,

Pa kuba’mba emwakamwenga.*

 39 Mfumyai bumvu bo nchina,

Mambo mizhilo yenu yawama.+

 41 Anweba Yehoba, mmweshai butemwe bwenu bubula kwaluka,+

Ne lupulukilo lwenu monka mwayila mulaye* wenu;+

 42 Pa kuba’mba nkumbule yewa ubena kuñendeleka,

Mambo naketekela mu byambo byenu.

 43 Kange mufumye byambo bya bukine mu kanwa kami ne,

Mambo naketekela mu* mizhilo yenu.

 44 Nkalamanga mizhilo yenu,

Myaka ne myaka.+

 45 Kabiji nkendanga mu mpunzha yazhikijilwa,*+

Mambo nkebesha kulama mikambizho yenu.

 46 Bya kuvululako byenu nkebyambanga ku bamfumu,

Kabiji kechi nkomvwa bumvu ne.+

 47 Natemwa bingi mikambizho yenu,

Kine, neitemwa.+

 48 Nkasuntwila maboko ku mikambizho yenu yo natemwa,+

Kabiji nkalanguluka langulukanga pa* malamuna enu.+

 49 Vulukai byambo* byo mwalayile kalume wenu,

Kupichila mu uno mulaye mundengela kwikala na luketekelo.*

 50 Akino kintekenesha mu kumanama kwami,+

Mambo byambo byenu byandengela kwikala na bumi.

 51 Bantu betota bañambila mwenga,

Bino amiwa kechi nasendukamo mu mizhilo yenu ne.+

 52 Mvuluka mizhilo yenu ya kala,+ anweba Yehoba,

Kabiji intekenesha.+

 53 Nazhingila bingi na mambo a babi,

Bakana mizhilo yenu.+

 54 Malamuna enu aikala ke nyimbo yami

Konse ko ngikala.*

 55 Kimye kya bufuku mvuluka jizhina jenu anweba Yehoba,+

Kuba’mba ndamenga mizhilo yenu.

 56 Bino byo byo nguba

Mambo nalama mikambizho yenu.

 57 Yehoba kyo kyami kyo bangabilapo;+

Nalaya kulama byambo byenu.+

 58 Nalomba kwi anweba* na muchima wami yense;+

Mmweshai lusa+ monka mwayila mulaye* wenu.

 59 Napesapesa mashinda ami,

Pa kuba’mba maulu ami alondelenga bya kuvululako byenu.+

 60 Mpelawizha kabiji kechi ntaya kimye

Kulama mikambizho yenu ne.+

 61 Mizhinge ya babi yampombakanya,

Bino kechi mvulama mizhilo yenu ne.+

 62 Pakachi ka bufuku mbuuka ne kwimusanchila+

Pa mizhilo yenu yaoloka.

 63 Aba bonse bemwakamwa bo balunda nami

Ne boba balama mikambizho yenu.+

 64 Butemwe bwenu bubula kwaluka anweba Yehoba, bwakumbana ntanda yonse;+

Mfunjishai malamuna enu.

 65 Mwamubila bintu byawama kalume wenu,

Monka mwayila byambo byenu, anweba Yehoba.

 66 Mfunjishai milangwe ne maana,+

Mambo naketekela mu mikambizho yenu.

 67 Saka nkyangye kumanama, nayanga mungi,*

Pano luno nalama byambo byenu.+

 69 Bantu betota bambepela,

Bino amiwa ndama mikambizho yenu na muchima wami yense.

 70 Michima yabo yakosa,*+

Bino amiwa natemwa bingi mizhilo yenu.+

 71 Kyawama kyo namanama,+

Pa kuba’mba mfunde malamuna enu.

 72 Mizhilo yo mwaamba yangwamina,+

Kukila biumbi bya ngolode ne siliva.+

Mpai milangwe,

Pa kuba’mba mfunde mikambizho yenu.+

 74 Aba bemwakamwa bammona ne kusekela,

Mambo naketekela mu byambo byenu.*+

 75 Anweba Yehoba, nayuka namba mizhilo yenu yaoloka+

Ne kuba’mba mwammanyika mu bukishinka bwenu.+

 76 Butemwe bwenu bubula kwaluka+ buntekeneshe,

Monka mwayila mulaye,* ye mwalayile kalume wenu.

 77 Ngubilai lusa, pa kuba’mba ntwajijile kwikala na bumi,+

Mambo natemwa bingi mizhilo yenu.+

 78 Bantu betota kibalenge bumvu,

Mambo banguba byatama pa kubula mambo.*

 79 Aba bemwakamwa beye kwi amiwa,

Bonka bayuka bya kuvululako byenu.

 80 Muchima wami ekale wabula kaneneno mu kulondela malamuna enu,+

Pa kuba’mba kibule kundenga bumvu.+

 81 Nkebesha bingi* lupulukilo lwenu,+

Mambo naketekela mu byambo byenu.*

 82 Meso ami akebesha bingi byambo byenu+

Saka ñamba namba: “Ñanyi kimye kyo mukantekenesha?”+

 83 Mambo amiwa nji nobe fukuta wa kiseba wauma uji mu bwishi,

Bino kechi mvulama malamuna enu ne.+

 85 Bantu betota bampoyila bimbo,

Bonka babula kulondela mizhilo yenu.

 87 Kwashajiletu pacheche kuba’mba bañonaune pano pa ntanda,

Bino amiwa kechi nekilekele kulondela mikambizho yenu ne.

 88 Ndamai na bumi na mambo a butemwe bwenu bubula kwaluka,

Pa kuba’mba ndamenga bya kuvululako byenu byo mwaamba.

 89 Anweba Yehoba,

Byambo byenu bikekala mwiulu myaka ne myaka.+

 91 Na mambo a mizhilo yenu, byaikajijila* kufikatu ne lelo jino,

Mambo byonse bino biji nobe bakalume benu.

 92 Umvwe kechi natemenwe mizhilo yenu ne,

Inge nafwile kala na mambo a kumanama kwami.+

 93 Kechi nkavulama mikambizho yenu ne,

Mambo mo mwandamina na bumi.+

 94 Amiwa yami muntu wenu; mpulushai,+

Mambo nalondela mikambizho yenu.+

 95 Babi bambelamina amba bangipaye,

Bino amiwa natesha bingi muchima ku bya kuvululako byenu.

 96 Namona namba bintu byonse byalumbuluka biji na po bipelela,

Bino mikambizho yenu kechi iji na pa kupelela ne.*

 98 Mikambizho yenu indengela kwikala na maana kukila balwanyi bami,+

Mambo iji ne amiwa myaka ne myaka.

 99 Nji na milangwe kukila bafunjishi bami bonse,+

Mambo ndanguluka languluka pa* bya kuvululako byenu.

100 Nguba bintu na milangwe kukila bakulumpe,

Mambo nalondela mikambizho yenu.

101 Nkana kwenda mu mashinda atama,+

Namba ndame byambo byenu.

102 Kechi nsenduka mu mizhilo yenu ne,

Mambo anweba mwamfunjisha.

103 Byambo byenu byo byatobalapo mu kanwa kami,

Byakila ne buki mu kanwa kami!+

105 Byambo byenu ye lampi wa ku maulu ami,

Kabiji kyo kyeya kya mu jishinda jami.+

106 Nachipa luchipo, kabiji nkelufikizha,

Nkalamanga mizhilo yenu yaoloka.

108 Kine, anweba Yehoba sekelai mu milambo yami ya lutotelo* ya kwifuukwila,+

Ne kumfunjisha mizhilo yenu.+

109 Kimye kyonse, bumi bwami bwikala mu kizumba,*

Bino kechi navulama mizhilo yenu ne.+

110 Babi banta kitewa,

Bino kechi nasendukamo mu mikambizho yenu ne.+

111 Bya kuvululako byenu nebimona kwikala nobe bintu byami bya myaka ne myaka,*

Mambo bilengela muchima wami kusangalala.+

112 Nafuukulapo* kukookela malamuna enu

Kimye kyonse kukafikatu ne ku mpelo.

113 Nashikwa boba babula kuba bintu na muchima yense,*+

Bino amiwa natemwa mizhilo yenu.+

114 Anweba mwi kya kufyamamo kyami kabiji yenu jikebo jami,+

Mambo naketekela mu byambo byenu.*+

115 Anweba bantu batama, fumaiko kwi amiwa,+

Pa kuba’mba ndamenga mikambizho ya Lesa wami.

116 Nkwashai byonkatu byo mwalayile,*+

Pa kuba’mba ntwajijile kwikala na bumi;

Amiwa nemuketekela, kange mundengeshe bumvu ne.+

117 Nkwashai kuba’mba mpuluke;+

Kabiji nkatwajijila kulanguluka pa malamuna enu.+

118 Anweba mukana bonse basenduka mu malamuna enu,+

Mambo bo ba bubela ne bujimbijimbi.

120 Mubiji wami uzakama na mambo a kwimuchina;

Ngakamwa mizhilo yenu.

122 Nkwashai amiwa kalume wenu;

Kange muleke bantu betota bammanyike ne.

123 Meso ami akooka na kupembelela lupulukilo lwenu+

Ne mulaye* wenu waoloka.+

124 Mmweshai amiwa kalume wenu butemwe bwenu bubula kwaluka,+

Ne kumfunjisha malamuna enu.+

125 Amiwa yami kalume wenu; mpai milangwe,+

Kuba’mba ngyuke bya kuvululako byenu.

126 Kimye kyafika kya kuba’mba Yehoba obepo kimo,+

Mambo balala mizhilo yenu.

127 O ene mambo o natemenwa mikambizho yenu

Kukila ngolode, nangwatu ngolode yawamisha.*+

128 Onkao mambo, mmona mikambizho yonse ifuma kwi anweba kwikala yaoloka;+

Nashikwa mashinda onse a bubela.+

130 Byambo byenu pa kwibilumbulula bileta kyeya,+

Bipana maana ku babula maana.+

131 Ngasamika kanwa kami ne kupemashika,

Mambo nkebesha bingi mikambizho yenu.+

132 Alulukilai kwi amiwa ne kungubila lusa,+

Mpai mizhilo yo mwalamina batemwa jizhina jenu.+

133 Tangijilai bulongo maulu ami* monka mwayila byambo byenu;

Kechi muswishe kintu kyatama kunkatazha ne.+

134 Mpokololai* ku bantu bakanama,

Kabiji nkalamanga mikambizho yenu.

135 Samishai* kilungi kyenu pe amiwa kalume wenu,+

Ne kumfunjisha malamuna enu.

136 Mipolo ilukumuka mu meso ami

Mambo bantu kechi balama mizhilo yenu ne.+

137 Anweba Yehoba mwaoloka,+

Kabiji mizhilo yenu yawama.+

138 Bya kuvululako byo mupana byaoloka

Kabiji bya kine.

139 Lupata lubena kuteema mwi amiwa,+

Mambo balwanyi bami bavulama byambo byenu.

140 Byambo byenu byawamisha,+

Ne kalume wenu wibitemwa.+

141 Bantu kechi bammona kunema ne, kabiji bandengulula bingi;+

Bino amiwa kechi navulama mikambizho yenu ne.

142 Bololoke bwenu bo bololoke bwa myaka ne myaka,+

Ne mizhilo yenu bo bukine.+

143 Nangwa kya kuba bya malwa ne makatazho byamfikila,

Ntwajijila kutemwa mikambizho yenu.

147 Mbuuka ku makya* na kulomba bukwasho,+

Mambo naketekela mu byambo byenu.*

148 Mpapuka mu tulo pakachi ka bufuku,

Kuba’mba ndanguluke langulukenga pa* byambo byenu.+

150 Aba boba byubilo* bya bunya bafwenya kwipi ne amiwa;

Bakana mizhilo yenu.

151 Anweba Yehoba muji kwipi ne amiwa,+

Kabiji mikambizho yenu yonse yo ya bukine.+

152 Nafunjile bya kuvululako byenu kufumatu kala kene,

Amba mwibibikako myaka ne myaka.+

153 Monai kumanama kwami ne kumpulusha,+

Mambo kechi navulamako ku mizhilo yenu ne.

154 Ñambilaiko mambo ne kumpokolola;+

Ndamai na bumi monka mwayila mulaye* wenu.

155 Lupulukilo luji kwalepa na babi,

Mambo kechi balama malamuna enu ne.+

157 Balwanyi bami ne bammanyika bavula;+

Bino kechi naleka kulama bya kuvululako byenu ne.

158 Ntala bantu ba bujimbijimbi na bunya,

Mambo kechi balama byambo byenu ne.+

160 Kishina kya byambo byenu bo bukine,+

Ne mizhilo yenu yaoloka yo ya myaka ne myaka.

161 Babinemanga bammanyika+ pa kubula mambo,

Bino amiwa ngakamwa byambo byenu.+

162 Nsangalela mu byambo byenu+

Nobe muntu wataana bipukulwa byavula.

163 Bubela nebushikwa—nebushikwa bingi+—

Natemwa mizhilo yenu.+

164 Pa juba pa juba nemutota bimye bitanu na bibiji

Na mambo a mizhilo yenu yaoloka.

165 Aba batemwa mizhilo yenu bo baji na mutende wavula;+

Kafwako kintu nangwa kimo kyakonsha kwibatuntwisha ne.*

166 Anweba Yehoba, naketekela mu mingilo yenu ya lupulukilo,

Kabiji ndama mikambizho yenu.

167 Amiwa* nalama bya kuvululako byenu,

Kabiji nebitemwa bingi.+

168 Ndama mikambizho yenu ne bya kuvululako byenu,

Mambo anweba mwayuka bintu byonse byo nguba.+

171 Byatunwa byami bimutotenga,+

Mambo mumfunjisha malamuna enu.

172 Lujimi wami embenga pa byambo byenu,+

Mambo mikambizho yenu yonse yaoloka.

173 Kuboko kwenu kwinengezhe kunkwasha,+

Mambo nasalapo kukookela mikambizho yenu.+

174 Anweba Yehoba, nkebesha bingi lupulukilo lwenu,

Kabiji natemwa bingi mizhilo yenu.+

175 Nswishai amiwa* ngikale na bumi pa kuba’mba nemutotenga;+

Mizhilo yenu inkwashenga.

176 Naya mungi nobe mukooko walubilamo.+ Nkebai amiwa kalume wenu,

Mambo kechi navulama mikambizho yenu ne.+