Masalamo
Lwimbo wa pa Kukanjila. Salamo wa Davida.
122 Nasangalele bingi byo bañambijile’mba:
“Twaya tuye ku nzubo ya Yehoba.”+
2 Pano maulu etu aimana
Mu bibelo byobe, obewa Yelusalema.+
4 Mikoka yaya konkakwa,
Mikoka ya kwa Yehoba,
Monka mwayila bya kuvululako bena Isalela,
Kuba’mba batote jizhina ja Yehoba.+
6 Lombai Yelusalema ekela mu mutende.+
Aba bakutemwa obewa muzhi, bakekala mu mutende.
7 Mutende atwajijile kwikala pa mishime* yobe,
Luzhikijilo lwikale mu byamba byobe byakosa.
8 Na mambo a balongo bami ne bakwetu, nkamba namba:
“Mutende ekale ne obewa.”
9 Na mambo a nzubo ya Yehoba Lesa wetu,+
Nkakulombelanga bintu byawama.