Mika
2 “Malwa abo aba balanguluka kuba byatama,
Balanguluka byatama saka baji pa myanya yabo!
Inge bwakya lukelo bebyuba,
Mambo baji na bulume bwa kwibyuba.+
2 Bakumbwa majimi ne kwiangata;+
Ne mazubo, kabiji beatambula;
Bajimbaika muntu ne kutambula nzubo yanji,+
Ne kutambula buswanyi bwanji.
3 Onkao mambo, Yehoba waamba’mba:
‘Mbena kulanguluka kuletela kino kisemi bya malwa+ byo mukabula kukonsha kunyema.*+
Kechi mukendanga saka mwilundumika ne,+ mambo ke kimye kya bya malwa.+
Bakamba’mba: “Betonaunatu pelu!+
Wapana kyalo kya bantu betu ku bantu bakwabo—witwangatakyo!+
Wapana majimi etu ku bantu babula bukishinka.”
5 Onkao mambo, kechi mukekala na muntu wa kuvungulula lutambo wa kupiminako,
Amba abenye kyalo kipwilo kya Yehoba ne.
6 Bamba’mba, “Kilekai kusapwila!
Kechi bafwainwa kusapwila bino bintu ne;
Bintu bilengesha bumvu kechi biketumwekela ne!”
7 Anweba ba mu nzubo ya kwa Yakoba, babena kwimwambila’mba:
“Nanchi mupashi wa Yehoba waleka kutekanya nyi?
Nanchi ino yo mingilo yanji nyi?”
Nanchi byambo byami kechi bileta byawama ku boba benda mu bololoke nenyi?
8 Bino moba acheche apitapo bantu bami baimana nobe balwanyi.
Mwibangata pa luntunanwa bya buneme bya ku bivwalo
Aba bapita kwa kubula moyo, byonkatu bikala bantu bafuma ku nkondo.
9 Mwapanga banabakazhi ba bantu bami mu mazubo abo awama;
Baana babo mwibangata lukumo lwami kikupu.
10 Imanai muyenga, mambo ino kechi yo mpunzha ya kukokolokelamo ne.
Na mambo a bubipisho,+ kuji lonaiko, lonaiko luleta bulanda.+
11 Inge muntu ke alondele mwela ne bujimbijimbi ne kwamba buno bubela amba:
“Nsakwimusapwila pa mambo a binyu ne maalwa,”
Ko kuba’mba ukekalatu ke musapwishi wa bano bantu!+
Nkebakwatankanya pamo nobe mikooko iji mu kipaka,
Nobe jitanga jiji kuji munyemvu;+
Kukekala kyungwe kya bantu.’+
13 Awa upasula binzhilo ukatangilako kulutwe yabo;
Bakapasula kinzhilo ne kutwelela monka ne kulupukila monka.+
Mfumu wabo ukatangilako kulutwe yabo,
Ne Yehoba saka aji kulutwe yabo.”+