Zefwaniya
3 Malwa obe obewa muzhi wa bunsatuki, watama kabiji wakanama!+
2 Kechi wakookela ne;+ kabiji kechi waswa mafunde ne.+
Kechi waketekela mwi Yehoba ne;+ kabiji kechi wafwenya kwipi ne Lesa wanji ne.+
3 Babinemanga baji mwi aye o mabokwe abuluma.+
Bamitonyi banji yo misuka yenda bufuku;
Kechi baleka kuja bikupa ne, posotu bwakya.
4 Bangauzhi banji bo bamwenga, kabiji bo bakamfutumfutu.+
5 Yehoba ye waoloka;+ aye kechi uba byatama ne.
Moba onse lukelo usolola bunchibamambo bwanji,+
Byonkatu kyeya kya mute byo kitwajijila kumweka.
Bino wabula koloka kechi umvwa bumvu ne.+
6 “Naonawine bisaka bya bantu; byamba byabo bya ku makonka byaonaikile.
Naonawine mikwakwa yabo, kya kuba kafwako nangwa umo wapichilengamo ne.
Mizhi yabo yashajiletu masala, mwabula bantu, mwabula bangikazhi.+
7 Naambile’mba, ‘Kine mukangakamwa ne kuswa mafunde* ami,’+
Pa kuba’mba mpunzha yanji ya kwikalamo ibule konaika+
—Nkamutotolwesha* na mambo a bino bintu byonse.
Bino po po bakizhizhemo ne kuba byatama.+
8 Yehoba waamba’mba, ‘Onkao mambo muntengelenga,*+
Kufikatu ne juba jo nkemana na kusenda bipukulwa,*
Mambo nafuukulapo kukonkanya bisaka bya bantu, kukonkanya bufumu,
Kwibetulwila bukaji bwami, bukaji bwami bonse;+
Mambo ntanda yonse ikapya na mujilo wa mukoyo wami.+
9 Kabiji pa kyokya kimye nkalula mulaka wa mitundu ya bantu kwikala ke mulaka wawama,
Pa kuba’mba bonse baketenga pa jizhina ja Yehoba,
10 Kufuma ku kibunji kya mikola ya ku Etiopya,
Aba bansashijila, ko kuba’mba mwana wa mukazhi wa bantu bami bapalañenamo, bakaleta bupe kwi amiwa.+
11 Pa joja juba kechi bakemulengesha bumvu
Na mambo a byubilo byenu byonse byo mwansatukijile ne,+
Pa kyokya kimye, mwi anweba nkafumyamo bantu betota;
Kabiji kechi mukabwezhapo kwitota ku mutumba wami wazhila ne.+
12 Nkaswisha bantu bepelula kabiji bakimote kushala mukachi kobe,+
Kabiji bakafyamanga mu jizhina ja Yehoba.
13 Aba bakashalapo mu bena Isalela+ kechi bakobanga bintu byabula koloka ne;+
Kechi bakabepanga ne, kabiji mu tunwa twabo kechi mukekala bujimbijimbi ne;
Bakajanga ne kulaala, kabiji kafwako nangwa umo ukebalengesha moyo ne.”+
14 Bijika na lusekelo, obewa mwana wa mukazhi Ziona!
Bijika na lusekelo, obewa Isalela!+
Sangalala ne kusekela na muchima wobe yense, obewa mwana wa mukazhi Yelusalema!+
15 Yehoba wafumyapo luzhachisho pe obewa.+
Wapanga balwanyi bobe.+
Mfumu wa Isalela, aye Yehoba uji ne obewa.+
Obewa kechi ukachinanga bya malwa jibiji ne.+
16 Pa joja juba Yelusalema bakamwambila’mba:
“Kuba moyo ne, obewa Ziona.+
Kange ukookeshe maboko obe ne.
17 Yehoba Lesa wobe uji ne obewa.+
Byo aji na bulume, ukakupulusha.
Ukasangalala bingi na mambo a obewa.+
Ukazhindamatu nzoo* mu butemwe bwanji.
Ukasangalala na mambo a obewa ne kubijika na lusekelo.
18 Nkakonkanya pamo aba baji na bulanda na mambo a kubula kutanwa ku bijiilo byobe;+
Kechi bajinga ne obewa ne, mambo bajinga mu buzha mo bebobilenga mwenga.+
19 Umvwa! Pa kyokya kimye nkalwa na bakumanyika;+
Kabiji nkapulusha awa usunkuta,+
Ne kukonkanya pamo aba bo bapalañanya.+
Nkebalengela kutotwa ne kutumbalala*
Mu kyalo kyonse mo bebalengeshe bumvu.
20 Pa kyokya kimye nkemubwezha,
Pa kimye kyo nkemukonkanya pamo.