Masalamo
Lwimbo wa baana ba kwa Kola.+
48 Yehoba ye mukatampe kabiji ye wafwainwa kutotwa
Mu muzhi wa Lesa wetu, konka ku mutumba wanji wazhila.
2 Muzhi uji peulu wawama, lo lusekelo lwa pano pa ntanda ponse,+
Ye Mutumba wa Ziona uji kwalepa ku kabeta ka ku buyeke,
Muzhi wa Mfumu Mukatampe.+
3 Mu byamba byanji byakosa
Lesa wiyukisha’mba ye kya kufyamamo kyakosa.+
4 Mambo bamfumu bakonkana pamo;
Kabiji bepwizha pamo.
5 Byo bamwene muzhi bakuminye bingi.
Baakaminwe ne kunyema na mambo a moyo.
6 Bazakaminenga konkakwa,
Misongo ibakwachile byonkatu byo kikala ku mwanamukazhi ubena kupaapa.
7 Mwalobesha maato a ku Tashishi na luvula lufuma ku musela.
8 Bintu byo twaumvwinengatu, pano twimwenabyo
Mu muzhi wa Yehoba wa mabumba, mu muzhi wa Lesa wetu.
Lesa ukakosesha muzhi myaka ne myaka.+ (Selah)
9 Anweba Lesa, tulanguluka languluka pa butemwe bwenu bubula kwaluka,+
Monka mu nzubo yenu.
10 Byonkatu biji jizhina jenu anweba Lesa, kutotwa kwenu
Kwafika konse kwapela ntanda.+
Kuboko kwenu kwa kilujo kwayula na bololoke.+
13 Tajishai bulongo masakwa* anji.+
Talatalai byamba byakosa bijimo,
Pa kuba’mba mukafunjisheko bisemi bikeya kulutwe.
14 Mambo uno Lesa, ye Lesa wetu+ myaka ne myaka.