Mitonyi

 2 “Na mambo a nsuki yo bakasulula* mu Isalela,

Na mambo a kuba bantu bepaine kuya na kulwa nkondo,+

Totai Yehoba!

 4 Anweba Yehoba, byo mwalupukile mu Seila,+

Byo mwapichilenga mu nyaunda ya Edomu,

Ntanda yatenkene, ne jiulu janokele,

Makumbi anokeshe mema.

 5 Mitumba yasungulukile* ku meso a Yehoba,+

Ne Sinai naye wasungulukile ku meso a Yehoba,+ Lesa wa Isalela.+

 6 Mu moba a kwa Shamagala+ mwana wa kwa Anata,

Mu moba a kwa Yaela,+ mu mikwakwa kafwako waendelengamo ne;

Bakañenda baendelenga mu tulolo.

 7 Bantu ba mu mizhi ya mu Isalela kechi bajingamo* ne;

Kechi bajingamo ne, posotu byo naimene amiwa Debola,+

Poso byo naimene nobe inabo mu Isalela.+

 8 Basajile balesa ba katataka;+

Kepo kwaikele nkondo ku bibelo.+

Jikebo nangwa jifumo kechi jamwekelepo,

Mukachi ka banabalume 40,000 ba mu Isalela ne.

 9 Muchima wami uji na bakulumpe ba nzhita ba bena Isalela,+

Bonka bepaine kuya na bantu.+

10 Anweba mwenda pa bambongolo batokoloka,

Anweba mwikala pa mikeka yawama,

Ne anweba mwenda mu mikwakwa,

Akilangulukai pa kino!

11 Mawi a bantu bapana mema aumvwanyikile ko batapwila mema;

Konkakwa baambilenga pa mingilo ya Yehoba yaoloka,

Pa mingilo yaoloka ya bantu banji bekala mu mizhi ya mu Isalela.

13 Kepo aba bashajilepo baishile ku babinemanga;

Bantu ba Yehoba baishile kwi amiwa na kulwa na ba biyangala.

14 Bafumine mu Efelaimu, bonka bekala mu kimpachiko;*

Babena kukulondela obewa Benjamina mukachi ka bantu bobe.

Bakulumpe ba nzhita bakunkulukile kufuma ku Makila,+

Ne aba basenda ndondo ya utwezha bantu bushilikale* bafumine ku Zebuluna.

15 Babinemanga ba mu Isakala bajinga ne Debola,

Byonkatu Isakala byo ajinga ne Debola, ne Balaka+ byo byo ajinga nanji.

16 Mambo ka o waikejile pakachi ka byola bibiji byo bakashila ku kyakwikalapo,

Ne kuteleka kwi abo saka bembila matanga mimpempe yabo?+

17 Bena Gileada bashajile ku bushiya bwa Yodano;+

Ne ba mu mukoka wa bena Danyi, mambo ka o baikejile ku maato?+

Ba mu mukoka wa bena Ashela baikeletu ku kitulu kya kalunga ka mema,

Kabiji baikele konka ku kiito* kyabo.+

18 Ba mu mukoka wa bena Zebuluna babikile bumi bwabo mu kizumba,* kwashajiletu pacheche inge bafwile;

Ba mu mukoka wa bena Nafitali nabo+ baubile byonkabyo ku mutunta mungye.+

19 Bamfumu baishile na kulwa;

Bamfumu ba mu Kenana balwile+

Mu Taanaka, kwipi na mema a ku Megido.+

20 Tubangabanga mwiulu twalwile;

Monka mu mashinda ato mo mo twalwijile ne Sisela.

21 Kakola ka Kishonyi kebakumpwile,+

Kakola ka kala, konka ka Kishonyi.

22 Kepo mikono ya bambili yatwilenga panshi,

Bambili banji balume byo batwilenga mikono yabo panshi na bukaji.+

23 Malaika wa Yehoba waambile’mba, ‘Mufingai Melozi,

Fingai bangikazhi banji,

Mambo kechi baishile na kukwasha Yehoba ne,

Kechi baishile na kukwasha Yehoba pamo na ba biyangala ne.’

24 Yaela ye watokwa bingi mu banabakazhi+

Yenka muka Hebela+ mwina Keni;

Ye watokwa bingi mu banabakazhi bekala mu matente.

26 Watolele lupopo wa ku tente na kuboko kwanji,

Na kuboko kwanji kwa kilujo watolele sando wa sendwe.

Kabiji wapopele Sisela ne kusansakanya mutwe wanji,

Kabiji wamusabile ne kumupulankanya mu mbaji ya mutwe wanji.+

27 Waponejile ku maulu a mwanamukazhi; waponene ne kulaalatu sulubya;

Waponejile ku maulu anji;

Konka ko afukamijile, ko ko aponejile saka bamushinda.

28 Mwanamukazhi wasumbijilenga pa kipenze,

Ina Sisela wasumbijilenga pa kipenze,

‘Mambo ka kalaki wanji o abanjila kubwela?

29 Ba ina mfumu ba maana avula bo aji nabo bamukumbwile;

Kine, ne aye wikumbwilenga mwine amba,

30 ‘Kampe babena kwabanya bipukulwa byo bataana,

Kamwale* umo nangwa bakamwale babiji* ku mushilikale umo umo,

Bipukulwa bya bisapi bya misombelo byo bya kwa Sisela, bipukulwa bya bisapi bya misombelo,

Bivwalo byo bapikula, bisapi bya misombelo, bivwalo bibiji byo bapikula

Bya kuvwala mu mashingo a boba basenda bipukulwa.’

31 Onkao mambo, anweba Yehoba, balwanyi benu bonse bonaike,+

Bino aba bemutemwa bekale nobe juba jisela na lukumo lwajo.”