Salamo wa Davida, kimye kyo ebepekezhe kukonya+ kwi Abimeleki, yenka wamupangile, ne aye wafumineko.
א [Aleph]
34 Nkamutotanga Yehoba kimye kyonse;
Lutotelo lwanji lukekala pa byatunwa byami kimye kyonse.
ב [Beth]
2 Nketotela mwi Yehoba;+
Bakimote bakomvwa ne kusekela.
ג [Gimel]
3 Tumbijikilai Yehoba pamo ne amiwa;+
Twayai tutotele pamo jizhina janji.
ד [Daleth]
4 Nalombele kwi Yehoba, ne aye wankumbwile.+
Wampokolwele ku bintu byonse byangubishenga moyo.+
ה [He]
5 Bo bene ba lusekelo aba baketekela mwi aye;
Kabiji kafwako ukebalengesha bumvu ne.
ז [Zayin]
6 Uno muyanji waichile, kabiji Yehoba wamumvwine.
Wamupokolwele ku bya malwa byanji byonse.+
ח [Heth]
7 Malaika wa Yehoba uzhokoloka boba bakamwa Lesa,+
Kabiji wibapokolola.+
ט [Teth]
8 Mutompai Yehoba mumone byo awama;+
Ye mwine wa lusekelo awa muntu ufyama mwi aye.
י [Yod]
9 Mwakamwai Yehoba, anweba bonse bazhijikwa banji,
Mambo aba bamwakamwa kafwako kintu nangwa kimo kyo bakajilwa ne.+
כ [Kaph]
10 Nangwatu baana ba mabokwe bakosa bafwa nzala,
Pakuba aba bamukeba Yehoba kechi bakakajilwa kintu nangwa kimo kyawama ne.+
ל [Lamed]
11 Anweba baana bami, iyai munteleke;
Nsakwimufunjisha kwakamwa Yehoba.+
מ [Mem]
12 Ñanyi mwi anweba watemwa bumi
Kabiji ukeba kwikala moba avula kuba’mba amonenga bintu byawama?+
נ [Nun]
13 Onkao mambo, kanya lujimi wobe kwamba byatama,+
Ne byatunwa byobe kwamba bya bujimbijimbi.+
ס [Samekh]
14 Leka kuba bintu byatama, ubenga byawama;+
Keba mutende ne kumulondalonda.+
ע [Ayin]
15 Meso a Yehoba aji pa baoloka,+
Ne matwi anji omvwa kujila kwabo kwa kukeba bukwasho.+
פ [Pe]
16 Bino Yehoba washikwa bantu boba byatama,
Ukebazhiya pano pa ntanda kuba’mba bakabule kwibavulukapo jibiji.+
צ [Tsade]
17 Baoloka bamujijiile Yehoba, ne aye wibomvwine;+
Wibapokolwele ku bya malwa byabo byonse.+
ק [Qoph]
18 Yehoba uji kwipi na boba balajika michima;+
Upulusha boba baji na bulanda.+
ר [Resh]
19 Makatazho amwekela muntu waoloka avula bingi,+
Bino Yehoba umupokolola mu onse.+
ש [Shin]
20 Uzhikijila bikupa byanji byonse;
Kafwako nangwa kimo kyachimukapo ne.+
ת [Taw]
21 Bya malwa bikamwipaya muntu mubi;
Aba bashikwa muntu waoloka bakazhatwa.
22 Yehoba ukuula bumi bwa bakalume banji;
Kafwako nangwa umo ufyama mwi aye ukazhatwa ne.+