Mika

Imanai mwambe mambo ku mitumba,

Kabiji tutumbatumba tumvwe jiwi jenu.+

 2 Anweba mitumba, umvwai mambo a Yehoba,

Anweba bitendekesho byakosa bya ntanda,+

Mambo Yehoba wapamo mambo bantu banji;

Ukepachika na bena Isalela amba:+

 4 Amiwa nemulupwile mu kyalo kya Ijipita,+

Nemukuujile mu nzubo ya buzha;+

Natongwele Mosesa, Alona ne Milyama kwimutangijila.+

 5 Anweba bantu bami, vulukai kintu kyafuukwile Belaka Mfumu wa Moabu,+

Ne byamukumbwile Balamu mwana wa kwa Beola+

—Bintu byamwekele kufuma ku Shitima+ kukafika ne ku Giligala+—

Pa kuba’mba muyuke mingilo yami yaoloka amiwa Yehoba.”

Nanchi nkeye kwi aye na milambo yonse ya kusoka,

Na baana ba bañombe ba mwaka umo nyi?+

 7 Nanchi mikooko biumbi ikatokesha Yehoba ku muchima,

Nangwa tukola twa manyi biumbi jikumi nyi?+

Nanchi mpane mwanami wa mulume mubeji na mambo a mizhilulwila yami,

Ko kuba’mba kipangwa kya mubiji wami pa bubi bwami nyi?*+

Kanatu kuba byaoloka,*+ kwikala wa kishinka,*+

Ne kwenda na Lesa wobe saka wipelula!+

 9 Jiwi ja Yehoba jibena kubijika mu muzhi;

Aba baji na maana bakakamwanga jizhina jenu.

10 Nanchi mu nzubo ya babi mukiji bya buneme bya bubi

Ne kipimo kya efa* kya bunya kyabula kufikilamo nyi?

11 Nanchi nakonsha kwikala watoka* na mashikelu a bubi,

Ne na fukuta muji mabwe a bujimbijimbi nyi?+

12 Mambo banonshi banji bakizhamo bukapondo,

Ne bangikazhi banji bamba bya bubela;+

Njimi yabo iji na bujimbijimbi mu tunwa twabo.+

13 “Onkao mambo, nkakupuma ne kukukozha,+

Kabiji nkakonauna na mambo a bubi bobe.

14 Ukaja bino kechi ukekuta ne;

Ukekalatu na nzala.+

Kintu kyo ukafumyapo, kechi ukekisenda bulongo ne,

Kabiji kintu kyo ukasenda, nkalengela balwanyi bobe kwikyonauna.

Ukafina maolivi, bino kechi ukengijisha manyi ao ne;

Kabiji ukalenga binyu bya katataka, bino kechi ukatomapo ne.+

16 Mambo ulondela malamuna a kwa Omuli ne mingilo yonse ya ba mu nzubo ya kwa Ahaba,+

Kabiji wenda monka mwayila maana abo.

O ene mambo o nkakulengela kwikala kintu kileta moyo

Ne bangikazhi banji kwikala kintu kilengela bantu kwita milozhi;+

Kabiji mitundu ya bantu ikakwendelekanga.”+