Byambo bya Maana
4 Baana bami, umvwai bimufunjisha bashenu;+
Teshaiko muchima pa kuba’mba mwikale na maana a kuyuka bintu,
2 Mambo nkemupa mikambizho yawama;
4 Bamfunjishe ne kuñambila’mba: “Lama byambo byami mu muchima wobe.+
Lama mikambizho yami pa kuba’mba wikale myaka yavula.+
5 Wikale na maana, ne maana a kuyuka bintu.+
Kange uvulame byambo byami ne kuleka kwibilondela ne.
6 Kange wialeke ne, ne ao akakuzhikijila.
Wiatemwe, ne ao akakulama.
7 Maana kyo kintu kyanema bingi,+ onkao mambo, keba maana,
Kabiji pa bintu byonse byo ukeba kwikala nabyo, wafwainwa kumona’mba wakeba maana a kuyuka bintu.+
8 Wianemeke bingi, ne ao akakutumbijika.+
Akakunemeka mambo wiatambula na muchima yense.+
9 Akakuvwika ku mutwe munchinya wa maluba awama;
Kabiji akakuvwika munchinya wa buya.”
10 Mwanami umvwa ne kutambula byambo byami,
Myaka ya bumi bobe ikavula.+
12 Pa kwenda, maulu obe kechi bakeakobankanya ne;
Kabiji pa kunyema, kechi uketuntula ne.
13 Kakachila ku mafunde; kange wialeke ne.+
Wialame, mambo akakulengela kwikala na bumi.+
16 Mambo kechi balaala ne, posotu bauba byatama.
Bekala na kilabila posotu baponesha muntu.
17 Bubi buji nobe kajo kabo,
Kabiji bukapondo buji nobe binyu byabo.
18 Pakuba jishinda ja baoloka jiji nobe kyeya kya lukelo
Kiya na kusama ne kusamisha kufikatu ne pa kushinkamana juba.+
19 Jishinda ja babi jiji nobe mfishi;
Kechi bayuka kibalengela kwituntula ne.
20 Mwanami, tesha muchima ku byambo byami;
Telekesha* ku byo ñamba.
21 Wibivulukenga;
Wibilame monka mukachi ka muchima wobe,+
22 Mambo bipana bumi ku boba bebitaana+
Ne kwibalengela kwikala na butuntulu bwa mubiji bwawama.*
24 Ñambilo ya bujimbijimbi wiikane,+
Ne ñambilo ya bujimuku wiikane.
25 Meso obe atalengatu kulutwe,
Kine, wiazanzetu kulutwe yobe.+
27 Kange usendukile ku kilujo nangwa ku kipiko ne.+
Fumya maulu obe ku bintu byatama.