Masalamo

115 Kafwako kintu nangwa kimo kitufwainwa ne, anweba Yehoba, kafwako kintu nangwa kimo kitufwainwa ne,

Bino jizhina jenu jafwainwa lukumo+

Na mambo a butemwe bwenu bubula kwaluka ne bukishinka bwenu.+

 3 Lesa wetu uji mwiulu;

Aye uba kintu kyonse kyo akeba.

 4 Bankishi babo bo ba siliva ne ngolode,

Yo mingilo ya maboko a bantu.+

 5 Baji na tunwa, bino kechi bamba ne;+

Baji na meso, bino kechi bamona ne;

 6 Baji na matwi, bino kechi bomvwa ne;

Baji na myona, bino kechi bomvwa bwema ne;

 7 Baji na maboko, bino kechi bakwata kintu ne;

Baji na maulu, bino kechi benda ne;+

Kabiji mu mijibu yabo kechi balupwilamo jiwi ne.+

 8 Bantu bebalenga bakekalatu byonka byo baji,+

Ne boba bebaketekela.+

 9 Obewa Isalela, ketekela mwi Yehoba+

—Aye ye nkwasho wobe kabiji ye jikebo jobe.+

10 Anweba ba mu nzubo ya kwa Alona,+ ketekelai mwi Yehoba

—Aye ye nkwasho wenu kabiji ye jikebo jenu.

11 Anweba mwakamwa Yehoba, ketekelai mwi Yehoba+

—Aye ye nkwasho wenu kabiji ye jikebo jenu.+

12 Yehoba wituvuluka kabiji uketupesha;

Ukobila bibusa ba mu nzubo ya kwa Isalela;+

Ukobila bibusa ba mu nzubo ya kwa Alona.

13 Yehoba ukobila bibusa aba bamwakamwa,

Bacheche ne bakatampe.

14 Yehoba ukemulengela kuvula,

Anweba ne baana* benu.+

15 Yehoba emupeshe,+

Mulenga wa jiulu ne ntanda.+

16 Jiulu jo ja kwa Yehoba,+

Pakuba ntanda wiipana ku baana ba bantu.+

17 Bafu kechi batota Yehoba ne;+

Nangwatu aba baji mu kilende* kechi bakonsha kuba kino ne.+

18 Pakuba atweba tukatotanga Yehoba

Kufumatu luno kufika ne ku myaka ne myaka.