Masalamo
Kwi ntangi. Lwimbo wa kwa Davida kimye Natana ngauzhi kyo aishile kwi Davida panyuma ya kwilaala ne Batesheba.+
51 Anweba Lesa, ngubilai lusa monka mwayila butemwe bwenu bubula kwaluka.+
Fuutai mizhilulwila yami monka mwayila lusa lwenu lukatampe.+
Pa kuba’mba mwikale baoloka inge mwaamba
Kabiji mwikale baoloka mu kuchiba mambo.+
6 Talai! Anweba musekela mu bukine buji mwine mukachi ka muchima;+
Funjishai muchima wami* maana a kine.
7 Ntokeshai ku mambo ami na kakichi ka isopi, kuba’mba ngikale watoka;+
Ngovwai, kuba’mba ntoketu too kukila mabebe.+
8 Ndengelai kumvwa jiwi ja lusekelo ne kusangalala,
Pa kuba’mba bikupa byo mwasansakenye bisangalale.+
10 Anweba Lesa, lengai mwi amiwa muchima watoka,+
Kabiji bikai mwi amiwa milanguluko ipya,+ yashikimana.
11 Kange mumpange ku meso enu ne;
Kabiji kange muñangate mupashi wenu wazhila ne.
12 Mbwezhezhai lusekelo lo najinga nalo kimye kyo mwampulwishe;+
Nkwashai ngikale na muchima wa kwimukookela.*
13 Bantu bazhilulula mizhilo nkebafunjisha mashinda enu,+
Pa kuba’mba bandengamambo bakabwele kwi anweba.
14 Anweba Lesa, Lesa wa lupulukilo lwami,+ mpokololai ku mambo a mashi,+
Pa kuba’mba lujimi wami akambe na lusekelo pa bololoke bwenu.+
15 Anweba Yehoba, nswishai ñambe,
Kuba’mba kanwa kami kemutote.+
16 Mambo anweba kechi mukeba kitapisho ne, inge kyajinga byo byo, inge nemupakyo;+
Kechi musekela mu mulambo yense wa kusoka ne.+
17 Muchima walajika, kyo kitapisho kitokesha Lesa ku muchima;
Anweba Lesa, kechi mukakana* muchima walajika kabiji wa bulanda ne.+
18 Monka mwayila kyaswa muchima wenu, ubilai Ziona bintu byawama;
Shimikai masakwa a Yelusalema.
19 Kepo mukasekela mu bitapisho byo batapisha mu bololoke,
Bitapisho bya kusoka ne milambo yonse;
Kabiji bañombe balume bakalambulwa pa kya kusokelapo bitapisho kyenu.+