Masalamo
Kwi ntangi. Salamo wa baana ba kwa Kola.+ Monka mwayila musango* wa Alamota. Lwimbo.
46 Lesa ye kya kufyamamo kyetu kabiji bo bulume bwetu,+
Witukwasha kimye kyonse kyo tupita mu bya malwa.+
2 O ene mambo o tukabujila kuchina, nangwa kya kuba ntanda yaaluka,
Nangwa mitumba ikaponene mu kalunga ka mema,+
3 Nangwa kya kuba mema ajipo apoota ne kuvundankana,+
Ne mitumba ikatenkene na mambo a kwijinga kwa mema. (Selah)
4 Kuji mukola uji na tukola twasangamo tulengela muzhi wa Lesa kusangalala,+
Tente wa lusambakeno mukatampe wazhila wa Mwine Wakila.
5 Lesa uji mu muzhi;+ kechi bakamukundula ne.
Lesa ukamukwasha mu kimye kya ku makya.+
6 Bisaka bya bantu byaubile kiwowo, bufumu bonse bebushinjile;
Waambile na jiwi ja peulu, ne ntanda yasungulukile.+
8 Iyai mwimwene mingilo ya Yehoba,
Byo auba bintu bya kukumya pano pa ntanda.
9 Upwisha nkondo pa ntanda ponse.+
Uchimauna buta bwa mukanda ne jifumo;
Usoka makalaki* a nkondo mu mujilo.
10 Waambile’mba, “Nchinai ne kuyuka’mba yami Lesa.