Ku Bahebelu

1 Kala Lesa waambanga ku bashakulu betu kupichila mu bangauzhi pa bimye byavula ne mu mashinda avula.+ 2 Pakuba ku mpelo ya ano moba waamba kwi atweba kupichila mu Mwananji,+ ye atongola kwikala nswanyi wa bintu byonse,+ kabiji mwi aye mo mo alengejile bwikalo* bwa bintu byonse.+ 3 Mwi aye mo mumwekela lukumo lwa Lesa+ kabiji ye kipasha kyanji,+ ye ulama bintu byonse kupichila mu byambo bya bulume bwanji. Kabiji byo apwishishe kwitutokesha ku bundengamambo bwetu,+ waikele mwiulu ku kilujo kya Lesa.+ 4 Onkao mambo, aye wakila bamalaika+ kabiji waswana jizhina jawama kukila mazhina abo.+

5 Ñanyi malaika ye bakyambilapo kwi Lesa amba: “Obewa wi mwanami; lelo jino yami shobe”?+ Kabiji amba: “Nkekala shanji ne aye ukekala mwanami”?+ 6 Bino Lesa inge wamutuma jibiji Mwananji mubeji+ pano pa ntanda, ukamba’mba: “Bamalaika bonse ba Lesa bamulambile.”*

7 Kabiji waamba pa bamalaika amba: “Ulengela bamalaika banji kwikala mipashi, ne ba mingilo* banji+ kwikala lubebe lwa mujilo.”+ 8 Bino pa Mwananji waamba’mba: “Lesa jo jitanda jobe+ ja myaka ne myaka, kabiji ndondo ya Bufumu bobe yo ndondo ya bololoke.* 9 Obewa watemenwe bololoke, ne kushikwa bubi. O ene mambo Lesa, Lesa wobe o akushingijile+ manyi a lusekelo kukila bakwenu.”+ 10 Kabiji amba: “Ku ntendekelo, anweba Nkambo mwaajile bitendekesho bya ntanda kabiji jiulu ye mwingilo wa maboko enu. 11 Abyo bikonaika, pakuba anweba mukekalanga myaka ne myaka; kabiji byonsetu bikonaika byonkatu byonaika kivwalo, byonse bikonaika, 12 kabiji mukebivunga nobe munkukumba, nobe kivwalo, kabiji bikapimpulwa. Pakuba anweba mujitu byonka byo mwajinga kala, ne myaka yenu kechi ikapwa ne.”+

13 Bino ñanyi malaika ye bakyambilapo kwi Lesa amba: “Ikala ku kuboko kwami kwa kilujo, poso nkalule balwanyi bobe ke jitebe ja kunyantapo maulu obe”?+ 14 Nanchi bilengwa byonse bya mupashi kechi byo bya mwingilo wazhila*+ byo batuma kwingijila boba bo akapulusha nenyi?