Byambo bya Maana
1 Byambo bya maana bya kwa Solomone,+ mwana wa kwa Davida,+ mfumu wa bena Isalela:+
2 Bya kufunjisha* maana+ ne mafunde;
Ne kuyuka mwatala byambo bya milangwe;
3 Ne kutambula mafunde+ alengela muntu kwikala na maana,
Bololoke,+ bunchibamambo bwawama*+ ne byubilo byawama;
4 Ne kupana maana+ ku muntu wabula kuyuka bintu;
Ne kupa nsongwalume maana ne milangwe.+
5 Muntu wa maana uteleka ne kufunjilapo bintu byavula;+
Kabiji muntu wa milangwe uyuka jishinda jawama ja kubilamo bintu*+
6 Kuba’mba ayuke mwatala byambo bya maana ne byambo* byakatazha kumvwa,
Byambo bya ba maana ne bishimpi byabo.+
7 Kwakamwa Yehoba yo ntendekelo ya maana.+
Bantu bakosama bo bonkatu balengulula maana ne mafunde.+
10 Mwanami, umvwe bandengamambo kebakebe kukutwala mungi, kechi wafwainwa kuswa ne.+
11 Inge bakwambila’mba: “Iya tuye bonse.
Twaya tubelamine ne kusumisha mashi.
Tufyame ne kupembelela bantu babula mambo.
12 Tusakwibamina saka bajitu bomi byonkatu byuba Kilende,*
Kwibaminatu bonse, byonkatu bikala boba baya mu kimbo.
13 Twayai tupukule bintu byabo byonse bya buneme;
Tuyuzhe mazubo etu na bipukulwa.
15 Mwanami, kange wibalondele ne.
Kanya maulu obe kwenda mu mashinda abo,+
16 Mambo maulu abo anyema lubilo kuya na kuba byatama;
Apelawizha kwichila mashi.+
17 Kwambatu kine, kyo kyatutu kuta kakose ne kañonyi saka katalako.
18 O ene mambo o babelamina kuba’mba bechile mashi:
Bafyama kuba’mba bonaune bumi* bwa bakwabo.
19 Abino byo byuba boba bakeba kunonka kwingijisha mashinda a bujimbijimbi,
20 Maana a kine+ abijika mu mukwakwa.+
Atwajijilatu kubijika na jiwi ja peulu mu mabanza.+
21 Maana abijika pa mansanga* a mikwakwa mupita bantu bavula.
Mu bibelo bya muzhi maana ashikisha’mba:+
22 “Nanchi bimye binga anweba ba bilubi byo mukatemwa bulubi bwenu?
Bimye binga anweba bamwenga byo mukasekelanga mu kwamba mwenga?
Kabiji bimye binga anweba bakosama byo mukashikwa kuyuka bintu?+
23 Umvwai byo mbena kwimololako.*+
Kepo nketulwila mupashi wami pe anweba:
Kabiji nkemulengela kuyuka byambo byami.+
24 Na mambo a kuba naichile, bino anweba mwatwajijile kunkana,
Natanyikile kuboko kwami, bino kafwako wateleko muchima ne.+
25 Mwatwajijile kulengulula mafunde ami
Ne kukana kwimololako.
26 Ne amiwa nkaseka inge bya malwa bikemufikile;
Nkemwendeleka byo bikemufikila bintu byo muchina,+
27 Abya byo muchina byo bikemufikila nobe luvula,
Ne bya malwa byo bikemufikila nobe kinkunkwila,
Ne lukabisho ne makatazho byo bikemufikila.
28 Pa kyokya kimye bakangita, bino amiwa kechi nketaba ne:
Bakankeba bingi, bino kechi bakantaana ne,+
29 Na mambo a kuba bashikilwe kuyuka bintu,+
Ne kukana kwakamwa Yehoba.+
30 Bakaine byo nebabuujile;
Balengulwile mafunde ami onse.
32 Mambo ba bilubi bakafwa na mambo a kufuma mu mashinda ami,
Kabiji bakosama bakonaika na mambo a kubula kutako muchima.